کوټه: هزاره ټاون کې ځانمرګي برید ۵ کسان ووژل

د انځور حقوق BBC World Service
Image caption په ټپیانو کې ماشومان او مېرمنې هم دي.

د پاکستان بلوچستان ایالت مرکز کوټه کې پولیس وايي، ځانمرګي برید لږترلږه پنځه کسان وژلي او ګڼ نور ټپیان دي.

د چارواکو په وینا د برید قربانیان هغه کسان دي چې د اختر لپاره په سودا اخيستو بوخت وو.

د ښار په دې سیمه کې تر ډېره شیعه هزاره ټولنه مېشته ده، چې غړي یې په پرله پسې ډول په تېر کې د سني وسله والو ډلو لخوا په نښه شوي دي.

د سیمې پولیسو ویلي، برید ماښام مهال هزاره ټاون سیمه کې شوی دی.

د شیعه ګانو د یووالي شورا پر دغې وژنې درې ورځې ملي ویر اعلان کړی.

پولیس وايي، چاودنه د هزاره ټان علي اباد کې هغه مهال رامنځ ته شوه، چې خلک د لوی اختر لپاره پر سودا اخیستو بوخت وو.

په ټپیانو کې مېرمنې هم دي.

پولیس وايي، ښکاري چې د ۱۸ او ۲۰ کلونو ترمنځ یوه زلمي د خلکو په منځ کې ځان چوولی دی.

له پېښې وروسته، د کوټې په ټولو روغتونونو کې د ټپیانو د ژر منلو امر شوی.

د انځور حقوق BBC World Service
Image caption د کوټې هزاره مېشتو سیمو کې وړاندې هم مرګوني بریدونه شوي.

تر اوسه کومې ډلې د دغه برید پړه نه ده منلې.

واندې هم په هزاره ټاون سیمه کې بریدونه شوي وو، د ۲۰۱۲ په جنورۍ کې هم یوه ځانمرګي برید هلته ګڼ کسان ووژل.

د پولیسو پر موټر برید

تر دې وړاندې پر ګهیځ د کوټې مرکزي سیمه سپینۍ روډ په یوه لاسي کراچۍ کې یو ماین ځای پرځای شوی و، چې درې کسان یې ټپیان کړل.

د پښتون اباد تاڼې مشر افسر نعیم اڅکزي وویل، ظاهراً ددغه برید هدف دی و.

پولیس وايي، په کراچۍ کې اېښودل شوي چاودېدونکي توکي له لیرې کنټرول او چوول شوي.

ورته مطالب