نوکیا ۳۳۱۰ بیا بازار ته راوځي

نوکیا

د عکس سرچینه، NOKIA

د نوکیا ۳۳۱۰ بیا بازار ته راوتلو هوډ شوی. دا لومړی ځل دی چې دا ټیلېفون له جوړښت ۱۷ کاله وروسته یوځل بیا د ټکنالوژۍ بازار ته راوځي.

ګڼ خلک دا ټیلېفون د ډېرو مینه والو او کلکوالي له کبله د ګرځنده ټیلېفون په تاریخ کې "نمونه" ټیلېفون ګڼي.

په ۲۰۰۵ کال ددغه ټیلېفون د تولید له درولو وړاندې، ۱۲۶ میلیون نوکیا ټیلېفونونه جوړ شوي وو.

ددغه ټيلېفون نوې بڼه، چې د فنلنډي "ایچ ایم ډي ګلوبل" شرکت د جوازلیک په مټ به خرڅېږي.

ځینو کارپوهانو ویلي، دا د نوکیا د تولید وړاندې کولو غوره لار ده.

د ټکنالوژۍ د پانګونې سي سي ایس شرکت بن ووډ من ویلي: "په بازار کې د ۳۳۱۰ ډول لومړی ټولو خوښ تولید و، ګڼ خلک لاهم ددغه ټیلېفون لرلو مینه وال دي. که شرکت یوازې د ځیرک ټیلېفون تولیدول اعلان کړي، نو یوازې د ورځپاڼو سرلیکونو کې به یې خبر راشي، نو د نوي ټول خوښو ټیلېفون لپاره باید چټک ګامونه واخیستل شي، زموږ هیله دا ده چې ډېر خرڅلاو ولري."

بازار ته د نوي ټیلېفون وړاندې کولو اعلان په بارسلونا کې د ګرځنده ټیلېفونونو د "موبایل ورلډ کنفرانس" نندارتون له جوړېدا وړاندې په ډاګه شوی دی.

د عکس سرچینه، NOKIA

د عکس تشریح،

د نوي ټیلېفون وزن ۷۹.۶ ګرامه دی

"ایل جي"، "هواوي" او ولینوو" شرکتونو هم د نویو تولیداتو وړاندې کولو اعلان کړی.

وړاندې نوکیا ګرځنده ټیلېفونونه نه جوړول، خو پرځای یې د "ویتنګس" سوداګریز نښان لرونکي مخابراتي توکي او د عکاسۍ کامرې او طبي توکي جوړول.

قوي بېټرۍ

۳۳۱۰ ځیرک ټیلېفون نه ګڼل کېږي؛ ځکه چې محدودې انټرنېټي اسانتیاوې لري.

په دې ټیلېفون کې ۲٫۵ جي د کارولو وړ دی، چې له تري جي او فورجي شبکو ډېر شاته او ورو دی.

د عکس سرچینه، NOKIA

د عکس تشریح،

نوکیا د نوکیا ۶ په نوم ځیرک ټیلیفون هم جوړ کړی

په دې ټیلېفون کې S30+ چلیځ سیستم کارول کېږي، د انټرنېټ لټون هم لري، خو د انډرویډ او iOS په پرتله ډېرو کمو کاریالونو (اپلېکېشنونو) کارولو ته اجازه ورکوي.

ددغه ټیلېفون ایله یوه کامره هم یوازې دوه مېګا پیکسله وړتیا لري، خو بېټرۍ یې بیا ډېر چارج ساتي، چې د تولیدوونکي شرکت په وینا، کار ته چمتو حالت یا "سټنډبای" کې تر دوو میاشتو پورې دوام کوي او ۲۲ ساعته خبرې ورباندې کېدای شي.

د یاد ټیلېفون بیه به ۵۱٫۷۵ ډالر وي.

د عکس سرچینه، NOKIA

د عکس تشریح،

ایچ ایم ډي شرکت د درو نویو ځیرک ټیلیفونونو رایستلو اعلان هم کړی

د تولیدوونکي شرکت اجراییوي مشر ارټو نومیلا بي بي سي ته وویل "دا تر ډېره د ډیجیټل فعالیتونو یا رخصتۍ کې کاروونکي او د زنګ وهلو ټیلېفون ته ورته دی".

د عکس سرچینه، .

د عکس تشریح،

د تولیدوونکي شرکت اجراییوي مشر ارټو نومیلا بي بي سي ته وویل "دا تر ډېره د ډیجیټل فعالیتونو یا رخصتۍ کې کاروونکي او د زنګ وهلو ټیلېفون ته ورته دی".

دا ټیلېفون د "مار" کلاسیکه لوبه هم لري، خو په عصري بڼه.