بېل ګېتس: الکترونیکي پیسې د مرګ لامل کېږي
د انځور حقوق
Getty Images
د مایکروسافټ بنسټګر بېل ګېټس ویلي، ډیجیټلي (الکترونیکي) سکې یا پیسې "تر یوه بریده په مستقیم ډول" په د کاروونکو ژوند اخلي.
ګېټس وايي، ډیجیټلي پیسې لکه بیټ کاین د مخدره توکو په سوداګرۍ او د "فیوټانیل" نشه کوونکو درملو کې کارول کېږي. نوموړي په یوه مرکه کې ویلي، ددې پیسو نامالوموالی دا مانا لري چې دا پیسې د ترهګرۍ مالي ملاتړ او پیسو مینځلو سره تړاو لري.
پخوا ښاغلی ګیتس د Bitcoin په اړه مثبت نظر درلود. په ۲۰۱۴ کې، له بلومبرګ تلویزیون سره په مرکه کې، ویلي وو، Bitcoin له عادي پیسو غوره دي.
بېل ګېټس پر "ریډیټ" خبرې وېبپاڼې د "هرڅه رانه وپوښته" په نامه پروګرام کې وویل، د الکترونیکي سکو هویت نه په ډاګه کول په دې معنا دي چې ګني له ترهګرۍ او د پیسو له مینځلو سره تړاو لري.
ځینو د بېل ګېټس پر دغو څرګندونو نیوکه کړې او وايي چې ګني هغه له ټکنالوژۍ بې خبره دی.
د پیسو جوړولو یوه لنډه تاریخچه
د ګوګل خبرداری: سایبري غلا به دوام مومي
مایکروسافټ: انټرنېټي برید د خطر زنګ دی
یوه کاروونکي له ټکنالوژۍ نه د بېل ګېټس د ګټې اخیستو په اړه له هغه وپوښتل، ځواب یې دا و چې "د الکترونیکي سکو مهمه ځانګړنه ناڅرګندتیا ده. باور نه کوم چې دا دې ښه کار وي. د پیسو سپینولو او له مالیې تېښته او د ترهګرۍ د تمویل په مشخصولو کې د حکومت توان ښه کار دی."
دی زیاتوي: "دا مهال الکترونیکي سکې د فنټانیل او نورو نشه کوونکو درملو اخیستو کې کارول کېږي، دا کمیابه ټکنالوژي تر یوه حده په مستقیم ډول د مرګ لامل ګرځي."
مشهور سوداګر وارین بافیټ وړاندې ویلي وو، په الکترونیکي سکو د مضاربې جنون "ناوړه پایلې لري."
خیریه کارونه
ګېټس عامو خلکو ته د خپلو درو موخو په اړه وویل: "د ماشومانو د مړینې راټیټول، د خوارځواکۍ کمول او د ماشومانو شل کېدو له منځه وړل" یې لوی هدف دی.
بېل ګېټس د "بېل اېن میلینډا ګېټس" مؤسسې مشري هم کوي، چې هر کال پر تعلیمي او روغتیايي پروژو میلیاردونه ډالر لګوي.
همداراز، د " بلاکچېن" په نوم د ټکنالوژۍ د پراختیا مؤسسې مشري هم کوي، چې تر ډېره دا ټکنالوژي په کینیا کې د سوداګرو پر الکترونیکي سکو تکیه کوي.