محمد شهزاد ایسوسیټیډ درجه کې د کال غوره لوبغاړی

د انځور حقوق Getty Images
Image caption شهزاد لومړی افغان لوبغاړی دی، چې دا جايزه ګټي

کرېکېټ کې د افغانستان محمد شهزاد د ای سي سي يا کرېکېټ نړيوالې شورا له خوا د اسوشيېټ يا دویمې کچې کرکېټ د کال غوره لوبغاړي جايزه ګټلې ده.

محمد شهزاد په ۱۶ يو ورځنيو کرېکېټ لوبو کې د خپلو منډو کچه ۶۹۹ ته رسولې.

د ای سي سي نړيوال کپ لومړۍ کچې لوبو کې يې ۳۰۱ منډې او ۱۷ شل اوريزو لوبو کې يې ۵۳۳ منډې کړې دي.

دی لومړی افغان لوبغاړی دی، چې دا جايزه ګټي.

د هند ورو باولر راوي چندرن اشوېن، د ای سي سي د کال غوره لوبغاړی نومول شوی دی.

دغه ۳۰ کلن بيا درېيم هندی دی چې له سچن ټنډولکر او راهول ډراوېډ وروسته دا جايزه ګټي.

دی د ای سي سي د ټېسټ کرېکېټ د کال لوبغاړی هم دی او د انګلستان وېکېت ساتونکی الېسټر کوک بيا د ای سي سي ټېسټ لوبډلې د کال غوره لوبډلمشر ګڼل شوی دی.