د برتانیا مانچسټر یونایټېډ په نړۍ کې تر ټولو شتمنه لوبډله بلل شوې

د انځور حقوق v
Image caption د برتانیا د فوټبال غوره لیګ د نړۍ تر ټولو غوره لیک بلل شوی دی.

د برتانیا وتلې فوټبال لوبډله مانچسټر یونایټېډ د نړۍ په کچه د ۲۰۱۵ -۲۰۱۶ لوبیز کال لپاره تر ټولو ګټوره یا په بله مانا شتمنه لوبډله بلل شوې ده.

دا خبره (ډېلویټ) مالي شرکت په خپل کلني رپوټ کې کړې ده.

د رپوټ له مخې، مانچسټر یونایټېډ په تېر لوبیز کال کې ټولټال ۵۱۵ ملیونه پونډه ګټلي دي.

په دویم ځای کې د هسپانیا بارسلونا لوبډله ده او دریم ځای د هساپنا ریال ماډریډ خپل کړی دی.

یاده دې وي چې د ریال ماډریډ لوبډله له تېرو ۱۱ کلونو راهیسې په پرلپسې توګه د نړۍ تر ټولو شتمنه لوبډله وه.

* مانچستر سيټي د انګلش پريمير ليګ اتل شو

* ګال: مانچستر يونايټيډ د تېر کال پرتله ښه وځلېد

ډېلویټ شرکت وایي، په مالي ډګر کې د مانچسټر یونایټډ دا بریا د هغو قراردادونو له برکته ده چې دې لوبډلې د نړۍ له بېلابېلو شرکتونو سره کړي دي.

همدا ډول د برتانیا د فوټبال غوره لیګ (پریمیر لیګ) د فوټبال د نړۍ تر ټولو شتمن لیګ بلل شوی او د نړۍ په شلو شتمنو لوبډلو کې هم اته لوبډلې د دغه هېواد دي.