راشد خان، ۲۰ اوریزو لوبو کې دویم غوره توپ اچوونکی

راشد خان د انځور حقوق Getty Images
Image caption درې ورځې وړاندې، راشد خان د بېګ باش سیالۍ کې غوره لوبغاړی اعلان شو.

د کرېکټ نړیوالې شورا "ای سي سي" افغان کرېکټ لوبغاړی راشد خان د شل اوریزو لوبو په ډلبندۍ کې د نړۍ دویم غوره توپ اچوونکی ټاکلی.

د نړیوالو شل اوریزو یا ټي ۲۰ لوبو د ۱۰۰ غوره توپ اچوونکو په ډلبندۍ کې پاکستانی عماد وسیم د ۷۱۸ پاینټونو په درلودو د دغې ډلبندۍ په سر کې او راشد خان د ۷۱۷ پاینټونو په ترلاسه کولو دویم ځای خپل کړی.

په دې ډلبنډۍ کې بل افغان لوبغاړی حمزه هوتک په ۶۲۷ پواینټونو اخیستو ۱۳م او محمد نبي په ۶۳۸ پواینټونو اخیستو ۱۹م غوره توپ اچوونکي ټاکل شوي.

درېیم ځای هندي لوبغاړي جیسپریت بومرا ته ورکړل شوی.

درې ورځې وړاندې، راشد خان د بېګ باش سیالۍ کې غوره لوبغاړی اعلان شو.

راشد خان د بېګ باش سیالۍ کې غوره لوبغاړی شو

راشد خان د اسټرالیا بېګ باش لیګ ته غوره شو

راشد خان د اسټرالیا د کرېکټ په غوره لیګ سیالیو، بېګ باش په خپله لومړنۍ سیالۍ کې خپله لوبډله بري ته ورسوله او د لوبې غوره لوبغاړی وبلل شو.

د ده لوبډلې، اېډلایډ سټرایکرز پرون سیډني تندر ته په ۵۳ منډو ماتې ورکړه.

د انځور حقوق Getty Images
Image caption د نړیوالو شل اوریزو یا ټي ۲۰ لوبو د ۱۰۰ غوره توپ اچوونکو په ډلبندۍ کې پاکستانی عماد وسیم د ۷۸۰ پاینټونو په درلودو د دغې ډلبندۍ په سر کې راغلی

دغه ۱۹ کلن افغان لوبغاړي چې په (ای‌پي‌ایل) سیالیو کې یې په ۱۹ منډو د ګوجرات لوبډلې ۳ لوبغاړي وسوځول، نو لوبډلمشر ډيویډ وارنر یې ډېره ستاینه وکړه:

"هغه یو ځلېدونکی ستوری دی. هغه د یو ځوان په توګه له موږ سره ډېره مرسته وکړه."

د استرالیا د شل اوریز یا بیګ باش لیګ به د راشد ارمان په را خپلولو په افغانستان کې هم خپل مینه وال زیات کړي.

اړونده مطالب

ورته مطالب