ټي ۲۰ لوبو ته له راشد خان سره د سسکس تړون

راشد خان د انځور حقوق Getty Images
Image caption راشد خان، ۲۰ اوریزو لوبو کې دویم غوره توپ اچوونکی اعلان شوی

د افغانستان مشهور لېګ سپېنر توپ اچوونکی راشد خان ته د انګلستان د شل اوره لوبو یوې لړۍ د لوبو تړون ورکړی. سسکس د شل اوره بلاسټ لوبو په لومړيو نيمايي لوبو کې د راشد خان د لوبولو پرېکړه کړې.

نولس کلن راشد خان په ۲۰۱۵ کال کې د خپلو نړیوالو لوبو له پیل راهیسې په ۲۷ شل اوره نړيوالو لوبو کې په ۱۴.۳۵ اورونو کې په منځني ډول ۴۲ ويکټې اخیستې دي.

هغه په دې وروستیو کې د استراليا په بېګ باش ليګ کې د اډېلېډ سټرایکرز لوبډلې لپاره ولوبېده.

دغه لوبډله د سسکس د راتلونکي مشر روزونکي جېسن ګېلېسپي له خوا روزل کېده.

ګلېسپي ويلي: "زه د هغه لیدلوري، کاري اخلاقو او ډله ییز کاري فکر سخت اغېزمن کړی یم. د افغانستان لپاره او دغه راز د شل اوره لوبډلو لپاره د هغه لوبې په تېرو دوو کلونو کې ډېرې پام وړ وې".

راشد خان، ۲۰ اوریزو لوبو کې دویم غوره توپ اچوونکی

راشد خان د اسوسيېټ هېوادونو د کال غوره لوبغاړی

راشد خان د هند غوره ليګ کې وپېرل شو

راشد خان د شل اوره لوبو په وروستي ليګ بېګ باش کې د مخکښ ويکټ اخیستونکي په توګه وځلېده.

هغه په ۱۱ لوبو کې اتلس ويکټې واخیستې او د منډو اوسط یې هم په اور کې ۵.۶۵ و.

هغه دغه راز د هند د غوره ليګ په ليلام کې هم د سنرایزر حيدرآباد لوبډلې لپاره د ۹۸۹،۰۰۰ پونډو په مقابل کې وپېرل شو.

هغه له دې وړاندې په کارابين غوره ليګ او د بنګلدېش په غوره ليګ کرېکټ سياليو کې هم لوبېدلی.

دغه ښي لاس توپ اچوونکی په ننګرهار کې زيږېدلی.

په برېتانيا کې په دغو لوبو کې د هغه ګډون اوس نړيوال کليرېنس او د وېزې ورکړه پورې اړه لري.

ورته مطالب