محمد نبي د ۲۰ اوره او یو ورځنیو لوبو دویم الراونډر لوبغاړی شو

. د انځور حقوق Getty Images

د کرېکټ نړیوالې شورا "ای سي سي" په نوې ډلبندۍ کې افغان لوبغاړی محمد نبي د شل اوریزو(T20) او یو ورځنیو لوبو (ODI) دویم الرونډر لوبغاړی اعلان کړی دی.

د ۲۰ اوره لوبو په شل کسیز نوملړ کې د استرالیا کرېکټ ملي لوبډلې لوبغاړی ګلین مکسویل د ۳۶۶ امتیازونو په لرلو سره لومړی ځای نیولی دی.

محمد نبي د ۳۲۱ امتیازونو په لرلو سره دویم او بنګله دېشی شکیب الحسن د ۲۷۹ امتیازونو په لرلو سره درېیم ځای خپل کړی دی.

* راشد خان د ۲۰ اوریزو لوبو غوره توپ اچوونکی هم شو

* راشد خان د یوه ورځني کرېکټ تر ټولو غوره توپ اچوونکی

* بېګ باش: د محمد نبي ښه توپ وهنه او د غوره لوبغاړي لومړۍ جایزه

یو ورځنۍ لوبې

محمد نبي همدارنګه د کرېکټ د نړیوالې شورا د یو ورځنیو لوبو د الرونډرانو په نوملړ کې هم د ۳۲۳ امتیازونو په لرلو سره دویم ځای خپل کړی دی.

د دغه نوملړ د سر ځای د ۳۶۲ امیتازونو په لرلو سره د بنګله دېشي شکېب الحسن دی.

د یو ورځینو لوبو د الرونډرانو په نوملړ کې بیا درېیم ځای ۳۲۲ امتیازونو په لرلو سره پاکستاني محمد حفیظ خپل کړی دی.

محمد حفیظ تر دې وړاندې په دغه نوملړ کې دویم ځای درلود.

د انځور حقوق Getty Images

په نوې ډلبندۍ کې راشد ارمان پر خپل ځای پاتې دی

افغان سپین توپ اچوونکی راشد ارمان د کرېکټ د نړیوالې شورا د شل اوریزو لوبو د توپ اچونې په نوملړ کې د ۸۱۳ امتیازونو په لرلو خپل پخوانی ځای ساتلی او لومړی مقام یې ګټلی دی.

په دغه نوملړ کې پاکستاني شاداب خان ۷۲۳ امیتازونو په لرلو سره دویم او نیوزیلنډي ایش سودي د ۷۰۰ امتیازونو په لرلو درېیم ځای خپل کړی دی.

د یو ورځنیو لوبو د توپ اچوونکو په ډلبندۍ راشد خان ارمان د ۷۶۳ امیتازونو په لرلو سره دویم ځای خپل کړی دی.

د انځور حقوق Getty Images

هندوستاني جسپریت بومرا د ۷۷۵ امتیازونو په لرلو سره د یو ورځنیو لوبو د توپ اچوونکو د نوملړ د سر ځای خپل کړی دی.

د یو ورځینو لوبو د توپ اچوونکو په ډلبندۍ کې بیا درېیم ځای د ۷۴۲ امیتازونو په لرلو پاکستاني حسن علي خپل کړی دی.

د انځور حقوق Getty Images

اړونده مطالب

ورته مطالب