کرېکټ: افغانستان ايرلنډ په ۲۹ منډو مات کړ

د انځور حقوق Getty Images

افغان لوبډلې ايرلنډ ته په لومړۍ يوه ورځنۍ لوبه کې په ۲۹ منډو ماته ورکړه. د نننۍ لوبې پچه ايرلنډ وګټله او لومړی يې افغان لوبډلې ته د توپ وهلو بلنه ورکړه.

افغان لوبډلې په ټاکلو ۵۰ اوورنو کې د نهو لوبغاړو په سوځېدو سره ۲۲۷ منډې وکړې. ايرلنډ ونشوای کړای چې ټاکلی هدف پوره کړي، ټوله لوبډله په ۴۹ اورونو کې د ۱۹۸ منډو په جوړلو وسوځېده.

د افغانستان لپاره ګلبدين نايب او حشمت الله شاهدي ښه توپوهنه وکړه. ګلبدين نايب په ۹۸ توپونو ۶۴ او حشمت الله شاهدي په ۸۲ توپونو ۵۴ منډې وکړې.

بله خوا د ايرلنډ لپاره ټېم مورټه څلور او بوايډ رنکن درې وېکټې ترلاسه کړې.

په افغان توپ اچوونکو کې افتاب عالم، محمد نبي او راشد خان هر يوه دوه دوه لوبغاړي وسوځول.

افغان لوبډلې تر دې وړاندې له ايرلنډه د شل اوريزو لوبو لړۍ هم ګټلې وه.

افغانستان له ايرلنډ سره د دريو يو ورځنيو لوبو لړۍ لري چې راتلونکې لوبه د چارشنبې پر ورځ د اګست پر ۲۹ نېټه ده.

اړونده مطالب

ورته مطالب