کرېکټ نړیوال جام: د هند او پاکستان تر منځ لوبې ته لېوالتیا په ډېریدو ده

کرېکټ د انځور حقوق Reuters
Image caption د هند او پاکستان تر منځ کرېکټ لوبه تر ډېره حده هیجاني وي

د روانې اونۍ پای کې به زرګونه خلک د برتانیا مانچسټر ښار ته د هند او پاکستان تر منځ د سیالۍ لیدو لپاره سفر وکړي. د یکشنبې پر ورځ به د دغې لوبې پر مهال د امنیت ټینګښت لپاره وسله وال پولیس هم وګومارل شي.

دا د کرېکټ لوبو له خورا هیجاني سیالیو یوه بلل کېږي چې د سختو سیالانو تر منځ کېږي او تمه دا ده چې تر یو میلیارد پورې خلک به یې د ټلویزیون له لارې ننداره وکړي.

په لوبغالي کې د دغې لوبې لیدو لپاره ۷۰۰ زره کسانو د ټکټ اخیستو غوښتنه کړې. د دواړو هېوادونو تر منځ د سیاسي تاوتریخوالي له کبله د کرېکټ لوبه له لویو نړیوالو لړیو بهر نه کېږي.

د انځور حقوق Reuters

د مانچسټر هوايي ډګر مسوولین وايي، د لوبې لیدو لپاره لسو ځانګړو الوتکو کې د نړۍ له لر او بره نندارچیان ورځي.

د لنکشایر کرېکټ کلب مالي مسوول وارن هیګ بي بي سي ته وویل:

''دا به ښايي په کرېکټ کې تر ټولو لویه لوبه وي. ''

نوموړی زیاتوي:

''کرېکټ د نړۍ په هغه برخه کې ژوند دی او د دواړو لوبډلو مینه وال سیالۍ ته سخت لېوال دي... حالت به ټکان ورکونکی وي. ''

د انځور حقوق Getty Images
Image caption د دواړو لوبډلو تر منځ سیالیو کې شعارونه هم معمول دي

د لوبغالي تر څنګ د مینه والو لیوالتیا ته په کتو سره په یوه بل میدان (کاتیدرال ګارډنز) کې چې ۳۵۰۰ کسان ځایوي د لویې پردې له لارې دغه لوبه نندارې ته وړاندې کېږي.

د دواړو لوبډلو د برتانیا مېشتو مینه والو شمېر هم ډېر دی چې له کبله یې د ۲۵ زره کسانو ځایونکي زاړه ټرافورډګراونډ لوبغالي ټول ټکټونه وار له مخه سملاسي پلورل شوي دي.

کرېکټ نړیوال جام: اسټرالیا پاکستان ته ماتې ورکړه

کرېکټ نړیوال جام: هند اسټرالیا ته په ۳۶ منډو ماتې ورکړه

یو مینه وال چې راکېش پټېل نومېږي او د ټکټ موندلو له کبله ځان بختور بولي وايي:

''موږ څلور کاله ددغې سیالۍ لپاره انتظار کاوه او دا په کرېکټ کې تر ټولو ستره سیالي ده. ''

د انځور حقوق Reuters
Image caption له نیوزیلنډ سره د هند لوبه کې ګڼ باران پیل شو

خو ماهرین بیا وايي، د موسم له کبله کېدای شي د دغې سیالۍ خوند پیکه شي. دوی پر یکشنبه په سیمه کې د باران وړاندوینه کړې او راکېش هیله مندي ښيي چې باران و نه شي او دوی وکولای شي، د سیالۍ له لیدو خوند واخلي.

د لوبغالي امنیت ساتونکو تر څنګ په شاوخوا کې د وسله والو پولیسو ګومارلو په تړاو ځايي پولیس افسر ګرایمي اوپینشا وايي:

''په دوستانه او شفاف انداز د امنیت ساتنې لړ کې موږ د لوبې نندارې خوند نه خرابوو، خو هیڅ ډول مجرمانه رویه به و نه زغمو. ''

اړونده مطالب