فوټبال: ۱۶ کلنو ټيټ عمره افغان زلمیانو ایران مات کړ

افغان لوبغاړي د انځور حقوق AFF
Image caption د اسیا د فوټبال د کنفدرېشن په وینا ایران اوس د شپږو امتیازونو په لرلو په درېیم مقام کې دی.

د افغانستان له شپاړس کلنو د ټيټ عمره ملي لوبډلې د اسیا مرکز اتلولۍ سياليو کې د ایران له شپاړس کلنو ټيټ عمره لوبډله په یو صفر ماته کړه.

دا سيالۍ په تاجکستان کې کېږي چې د دغه هېواد د شپاړس کلنو ملي لوبډله يې د ګډونوالو د نوملړ په سر کې ده.

افغان تنکي ځوانان په يوه گول سره پرايران بريالي شول. د دغې سیالۍ دا یوازينی ګول افغان فوټبال لوبغاړي ذاکر حسيني وواهه.

په دې بري سره د افغانستان امتیازونه ٧ ته ورسېدل او د سياليو نوملړ کې يې دويم ځاى خپل کړ.

د تاجکستان په پلازمېنه دوشنبې کې په دغې پرونۍ لوبه کې د دواړو هېوادونو ديپلوماتانو هم ګډون کړی و.

ټاکل شوې افغان لوبغاړي نن سې شنبه د ازبکستان له لوبډلې او د پنجشنبې په ورځ له کوربه تاجکستان لوبډلې سره مخامخ شي.

د افغانستان له شپاړس کلنو د ټيټ عمره فوټبال ملي لوبډلې په دغو سیالیو کې ټولې درې لوبې کړې چې دوې یې ګټلې او یوه يې مساوي کړې.

د انځور حقوق AFF
Image caption د افغانستان او ایران لوبډلو په تاجکستان کې دا سیالي وکړه

افغانستان د ترکمنستان لوبډله یو - صفر ماته کړې او له قرغیزستان سره يې دوه - دوه مساوي کړې وه.

افغانستان د څلورو وهلو او څلورو خوړلو ګولونو په پام کې نیولو سره اووه امتیازونه لري او په دویم مقام کې دی. د افغانستان لپاره د دغو ګولونو درې ذاکر حسيني او یو یې رامين امیري وهلي.

د اسیا د فوټبال د کنفدرېشن په وینا ایران اوس د شپږو امتیازونو په لرلو په درېیم مقام کې دی.

د انځور حقوق AFF
Image caption د تاجکستان په پلازمېنه دوشنبې کې په دغې پرونۍ لوبه کې د دواړو هېوادونو ديپلوماتانو هم ګډون کړی و.

ورته مطالب