افغان کرېکټ لوبغاړی قیس احمد د انګلستان کاونټي کرېکټ کې واخیستل شو

قیس احمد د انځور حقوق Getty Images

افغان کرېکټ لوبغاړی قیس احمد به ۲۰۲۰ کال کې د برتانیا ګلوسټرشایر کاونټي کرېکټ کلب سره ملګری شي. ۱۹ کلن لېګ سپنر قیس احمد به د یاد کرېکټ کلب لپاره په شل اوریزو او فاینل شپږ اتلولۍ سیالیو کې ولوبېږي.

دغه ځوان لوبغاړي په سپتمبر میاشت کې له بنګله دېش سره په ټیسټ لوبه کې برخه درلوده او دغه راز یې د اسټرالیا په بګ باش کرېکټ سیالیو کې د هوبارت هورېکنز له لوري ونډه اخیستې.

نوموړی دا وروستیو کې د انګلستان راتلونکي دوبي سل توپیزو سیالیو لپاره د ویلش فایر له لوري د شپیته زره پاونډو بدل کې اخیستل شوی و.

د ګلووسټر شایر روزونکی ریچارډ ډاوسون وايي:

''موږ د ۲۰۱۹ کال کې خورا پیاوړې سیالۍ درلودې او قیس به د خپلې لوبې - بدلونکې وړتیا پر مټ له موږ سره مرسته وکړي چې د لوبې په لنډ او اوږده فارمیټ کې پرمخ لاړ شو. ''

افغانستان کې د کرېکټ راتلونکي لپاره تمې

راشد او مجیب د انګلنډ د سل توپیز لیګ ګرانبیه لوبغاړي شول

ښاغلی ډاوسون زیاتوي:

''دی د نړۍ له خورا جالبو ځوانو سپنرانو یو دی او زه هیله من یم چې دی به زموږ شل اوریزو او کاونټي سیالیو ته نور اهمیت وروبښي. ''

د انځور حقوق Getty Images

بل لور ته قیس په دې تړاو وايي:

''د نړۍ په لر او بر کې مې د شل اووریزو سیالیو پر مهال تل ارمان و، چې انګلستان کې فرسټ کلاس کرېکټ وکړم چې له سره توپ سره مې وړتیا لا ډېره شي. له ډاوسون سره یو ځای د لوبې ته هیله من یم. ''