محمد نبي د نړۍ غوره الرونډر لوبغاړی شو

محمد نبي د انځور حقوق AFGHANISTAN CRICKET BOARD
Image caption محمد نبي د شل اوریزو لوبو د غوره لس لوبغاړو نوملړ په سر کې هم ځای لري

د یو ورځنیو لوبو په برخه کې د کرېکټ نړیوالې شورا د نوې درجه بندۍ له مخې افغان کرېکټ لوبغاړي محمد نبي د نړۍ لومړی درجه الرونډر او بل افغان کرېکټ لوبغاړي مجیب ځدراڼ د دریم غوره توپ اچوونکي یا بالر مقام خپل کړی.

د نړۍ د غوره الرونډرانو په ډله کې دویم ځای د انګلنډ بېن سټوکس او دریم ځای د پاکستان عماد وسیم خپل کړی دی.

محمد نبي ۳۰۱ پاینټونه (نومرې)، بېن سټوکس ۲۹۴ پاینټونه او عماد وسیم ۲۷۸ پاینټونه ترلاسه کړي دي.

دغه راز د یو ورځنیو لوبو د ۱۰ غوره بالرانو په ډله کې د ۷۲۷ پاینټونو په لرلو د نیوزیلنډ ټرېنټ بولټ لومړی ځای ، د ۷۱۹ پاینټونو په لرلو د هند جسپریت بومره دویم ځای او د ۷۰۱ پاینټونو په لرلو افغان لوبغاړي مجیب ځدراڼ دریم ځای نیولی دی.

د توپوهونکو په ډله کې لومړی ځای هندي لوبغاړي ویراټ کوهلي ، دویم ځای بل هندي لوبغاړي روهیت شرما او دریم ځای د پاکستان لوبغاړي بابر اعظم ته ورکړل شوی دی.

د روان ۲۰۲۰ کال لپاره د کرېکټ د نړیوالې شورا (ای سي سي) د شل اوره کرېکټ لوبو په نوې درجه بندۍ کې هم دوو افغان لوبغاړو لومړي مقامونه خپل کړي دي.

د انځور حقوق Getty Images
Image caption د شل اوریزو سیالیو درې غوره لوبغاړي راشد خان ، محمد نبي او مجیب

د شل اوره (T20I) لوبو د توپ اچونې په ډلبندۍ کې راشد خان د ۷۴۹ پاینټونو (نمرو) په ګټلو لومړی ځای خپل کړی او مجیب الرحمن د ۷۴۲ نمرو په درلودو دې رېنکېنګ کې دویم مقام ګټلی.

افغان لوبغاړی محمد نبي توانیدلی چې د الرونډرانو ترمنځ په ۳۱۹ پاینټونو لومړی ځای خپل کړي.

ورته مطالب