کريکټ: اماراتو افغانستان ته له سختې لوبې وروسته ماتې ورکړه

ريس احمدزى
Image caption د ريس احمدزي د ښې لوبې له برکته افغانستان اماراتو ته مناسب هدف وټاکه

افغان لوبغاړو د نبي په نشتوالي کې له اماراتو سره ښه لوبه وکړه خو د ثاقب علي ٩٣ منډو له شکست سره مخامخ کړل .

افغانستان په دې لوبه کې هغه وخت له ستونزو سره مخامخ شو چې ايله ٢١٦ منډې يې وکړې .

د متحدو عربو اماراتو لوبډله خوا پياوړي منډه جوړونکي لري او تر پايه پورې د منډه جوړولو جوگه دي .

که څه هم په لومړني اوور کې شاپور ځدراڼ د اماراتو يو لوبغاړى وسوځاوه او وروسته د افغانستان ورو بالرانو د دوى د منډو مخه تر ډيره ډبه کړه خو ثاقب علي تر پايه پاتې شو .

دۀ درې نوي منډې وکړې او په وروستي اوور کې چې لا پنځه بالونه پاتې و لوبه وگټله .

افغانستان له دې ماتې سره له نيمه پايلوبو نه پاتې کيږي . خو شايد په خپل گروپ کې لومړى مقام ترلاسه نه کړي .

د افغان لوبډلې منډې

د اسيا د کريکټ شورا د غوره هيوادونو يا ايليټ ټرافي په دويمه لوبه کې افغانستان له متحدو عربو اماراتو سره مخامخ دى.

په کويت کې ترسره کيدونکې دغه لوبې د گڼ شمير افغان نندارچيانو په شته والې کې پر مخ ځي .

افغان کپتان نوروز منگل د پچې په گټلو لومړى خپله منډو ته زړۀ ښه کړ خو افغان منډه جوړونکي له پيله لا له ستونزو سره مخامخ و .

کريم صادق او اصغر ستانکزى ژر وسوځيدل او د منډو جوړول ستونزمن شو .

نورعلي که څه هم تر ډيرو ودريد خو هغه د منډې ترلاسه کولو په هڅه وسوځيد او ورپسې نوروز منگل هم ژر ستون شو .

د افغانستان له خوا پخواني کپتان ريس احمدزي د ٥٥ منډو او سميع الله شينواري د ٥١ منډو په کولو اماراتو ته ښه هدف وټاکه .

د اماراتو پياوړې لوبډلې ته په پام سره دا منډې شايدډيرې نه وي .

په تيرو وختونو کې چې هر کله افغانستان اماراتو ته ماتې ورکړې محمد نبي عيسى خيل پکې ځليدلى دى خو دا ځل نبي هم نشته .

نبي ته د کويت حکومت لا تر اوسه ويزه نه ده ورکړې او هغه په کابل کې دى .

ورته مطالب