کريکټ : افغانستان نيپال ته په ماتې ورکولو اتلولي خپله کړه

نيپال په ٤٠ اوورونو کې ١٢٨ منډې١٠ سوځيدلي

افغانستان په ٩٦ منډو وگټله

نوروز منگل د اتلولۍ بل جام پورته کړ

د لوبې رپوټ

نيپال په روانو سياليو کې يوه ماتې هم نه وه خوړلې .

د دوى منډه جوړونکي پياوړي ښکاريدل او بالرانو يې هر چاته ستونزې پيدا کړې وې .

له افغانستان سره په پايلوبه کې چې نيپالي کپتان پچه وگټله د خپلو بالرانو لپاره يې د ميدان لوند حالت غوره وباله او افغان منډه جوړونکي يې منډو ته وربلل .

د دوى پريکړه پر ځاى وه افغانستان په پيل کې په ٣٩ منډو درې لوبغاړي له لاسه ورکړي و .

د دغو سياليو انځوريز رپوټ د دې ځاى په کېکاږلو وگورئ

روزونکي په داسې سختو شرايطو کې د احتياط پر ځاى له بريده کار واخيست .

ميرويس اشرف چې عمومآ په اتم نمبر راځي دا ځل په پنځم نمبر راغى ، تيزه لوبه يې وکړه او چې کله سوځيده افغانستان ٩٨ منډې درلودې .

له دۀ وروسته کريم هم ژر وسوځيد په ١١٤ منډو افغانستان پنځه لوبغاړي له لاسه ورکړي و .

په دې وخت کې تجربې او تجربه لرونکو لوبغاړو ډوبيدونکمې بيړۍ وژغورله .

ريس احمد زى چې پخوانى کپتان دى ودريد ، له دۀ سره اوسنى مرستيال کپتان نبي عيسى خيل ولاړ و . دواړو ٩٨ منډې په گډه وکړې .

ريس ٥٢ او نبي ٤٨ منډې درلودې چې وسوځيدل .

د ٢٢٥ منډ هدف ډير نه ښکاريدۀ خو د افغانستان بالران خورا پياوړي دي .

ميرويس اشرف او شاپور په لومړيو اوورونو کې خورا ښه بالينگ وکړ او د نيپال درې د سر لوبغاړي يې وسوځول.

وروسته هر بالر وځليد او نيپاليان يې يوازې په ١٢٩ منډو وسوځول .

دا لومړى ځل دى چې افغانستان د کريکټ شورا د غوره هيوادونو يا ايليټ ټرافي گټونکى شو .

د نيپال دمنډو حال

نوروز منگل وروستى لوبغاړى بولډ اوټ کړ

نيپال ته په پاتې ١٢ اوورونو کې ١٠٠ منډې پکار دي خو يو لوبغاړى ورپاتې دى

نهم کس شراد ٣٥ منډې وکړې د ميرويس او نوروز په مرسته رن اوټ شو

نيپال د گټلو لپاره اړ دى چې د اتو په اوسط کې منډې وکړي ، دومره منډې ترلاسه کول اسانه نه دي

نيپال ته په پاتې ١٣ اوورونو کې ١٠٣ نورې منډې پاتې دي چې لوبه وگټي خو افغانستان يوازې دوه نور لوبغاړي بايد وسوځوي چې دا اتلولي هم خپله کړي

سميع الله شينواري ښه بالينگ وکړ په لسو اوورونو کې يې ٣٢ مندې ورکړې او يو لوبغاړى يې وسوځاوه

د افغان لوبډلې اداري مسوول بشير ستانکزى وايي په دې هڅه بوخت دى چې د لوبې په پاى کې افغان لوبغاړي له نندارچيانو وژغوري

د نبي په څلورم توپ څلوريزه ووهل شوه

نبي راستون شو

تر اوسه د بالرانو حالت داسې دى :

شاپور ٧ اوورونه ١١ منډې ورکړي او يو کس سوځولى

ميرويس اشرف ٧ اوورنه ٣١ منډې ورکړي دوه کسه سوځولي

نبي په ٤ اوورونو کې ١١ منډې يو کس سوځولى

سميع ١٠ اوورونو کې ٣٢ منډې يو کس سوځولى

حميد حسن ٦ اوورونو کې ٢٣ منډې يو کس سوځولى

نوروز منگل يو اوور کې څلور منډې يو کس سوځولى

ريس احمدزى وايي نندارچيان خورا ډير دي او له کابو کيدو راگرځيدلي دي

د افغان نندارچيانو خوښي د پام وړ ده

د نيپال اتم لوبغاړى شهزاد کيچ کړ بالر سميع الله شينوارى و

حميد حسن بالينگ ته دى

د اوبو وقفه ده

د سميع په وروستي اوور کې منډه ونه شوه

نيپال ته په ٢٠ اوورونو کې ١٣٠ نورې منډې پکار دي

د نيپال نيمگړې هيله شراد ته ده چې په شلو منډو ولاړ دى

له لوبغالي تازه خبر دا دى چې شاپور ځدراڼ هغومره نه دى ټپي شوى چې په پيل کې يې ويره کيده

دا د افغانستان لپاره خورا ښه خبره ده ځکه چې شاپور يو له ډيرو ښو بالرانو دى

د دريم او څلورم مقام لپاره لوبه د پايلوبې په پرتله مساوي روانه ده

هانگ کانگ ٢٥٢ منډې کړې وې او او س ماليزيا له ٣٥ اوورونو وروسته ١٥١ منډې کړي او څلور لوبغاړي يې سوځيدلي دي

جالبه خبره دا ده چې نوروز په خپل لومړي اوور کې يو لوبغاړى وسوځاوه خو بيرته يې له توپ اچولو لاس واخيست او سميع يې وروباله

نيپاليان اوس يوه يوه منډه اخلي او وضعه يې خرابه ده

حميد حسن د نيپال اووم لوبغاړى بولډ کړ

د نيپال شپږم لوبغاړى بسنت کپټان نوروز منگل اوټ کړ

افغانستان هم په په ٨١ کې څلور کسان له لاسه ورکړي ول،نيپال ١٤٤ نورو منډو ته اړتيالري خو يوازې پنځه کسان ورپاتې دي

د نيپال خطرناکه لوبغاړى ملال د حميد په اورکې رن اوټ يا په منډه کې وسوځيد.

ده ٣٠ منډې کړې وې

د شاپور پښه واوښته ، په دې لوبه کې شايد د شاپور په نشتوالي کې هم افغانستان گوزاره وکړي خو د شل اوريزو نړيوالو اتلوليو په ترڅ کې د شاپور نشتوالى لوى گوزار دى

دا څلوريزه مالا ووهله ، توپ باونسر و ، تيز راغى ، اوچت شو خو مالا ودريد او د شا په لور يې له پولې واړاوه

پر حميد حسن څلوريزه واخيستل شوه

سميع په درو اوورونو کې ١١ منډې ورکړې او نور د اوس لپاره کښېنول شو د حميد حسن په تيزو بالونو به څه کيږي ، دۀ په دې سياليو کې تر بل هر لوبغاړى ډير کسان سوځولي دي

حميد حسن راغى

مالا لا هم ولاړ دى او ٢١ منډې يې کړې دي

شراد پر نبي څلوريزه ووهله

نبي خپل دريم اوور کوي

د سميع په دې اوور کې کريم صادق په توپ ولگيد لږ ټپي شو او لوبه تر څو شېبو ودريده خو کريم روغ رمټ دى او لوبه روانه ده

د نيپال دغه لوبغاړى هم په روانو لوب کې ښه روان دى

د نيپال نوى لوبغاړى شراد ويسکوار نوميږي

د سميع په توپ دوه منډې وشوې

نبي په خپلو دويم اوور کې يوه منډه وشوه او يو لوبغاړى يې وسوځاوه

نبي پارس اوټ کړ

پارس خدکا په ٣٠ توپونو ١١ مندې وکړې خو دى يو له هغو لوبغاړو و چې لوبه يې په يوازې سر هم گټلى شواى

د نبي په توپ د نيپال خطرناک لوبغاړى پارس ايل بي ډبليو اوټ شو

شميع په لومړي اوور کې ٤ مندې ورکړې

سميع شينوارى راغى

د نبي په اول اوور کې يوه منډه وشوه

په لوبغالي کې د نندارچيانو شميره شېبه په شېبه زياتيړي اوس اټکل دا دى چې تر پنځو زرو به ډير نندارچيان ناست يا ولاړ وي ، اکثريت يې د افغانانو دى خو نيپاليان هم کم نه دي

Image caption د اصغر لوبه او شاوخوا د افغان نندارچيانو هڅونه

د شاپور پر ځاى نبي راغى ، لومړنى بدلون

په دريم پرله پسې اوور کې ميرويس اووه منډې ورکړې

د مالا دغه شارټ په هوا کې و د کيچ امکان يې و ، نبي ورپسې ټوپ کړل خو تر دۀ واوښت او څلور شوې

مالا پر ميرويس څلوريزه ووهله ، دا د نيپال دريمه څلوريزه ده

ميرويس لا هم بالينگ کوي ، دا يې اووم پرله پسې اوور دى

د افغانستان په لوبه کې د اوبو وقفه ده ، د ٣٣ درجو په کويتي گرمۍ کې اوبه ډيرې پکار دي

د دريم او څلورم مقام لپاره لوبه د هانگ کانگ او ماليزيا ترمنځ روانه ده ، هانگ کانگ ٢٥٢ منډې کړې وې اوس ماليزيا له ١٧ اوورونو وروسته ٨٤ مندې لري او يو لوبغاړى يې سوځيدلى دى

د افغانستان له لورې که بدلون راځي يا به نبي وي او يا به هم حميد حسن وي ، کله نا کله په کريم صادق هم په داسې وختونو کې بالينگ شوى دى

د شاپور په اووم اوور کې يوازې يوه منډه وشوه

وروسته له ١٥ توپونو چا په شاپور يوه منډه واخيسته

پارس يو له هغو لوبغاړو دى چې په يوازې سر هم لوبه گټلى شي

د نيپال پارس د شاپور د توپونو په وړاندې له ستونزو سره مخامخ دى ، د شاپور توپ ډير پورته کيږي

شاپور اووم اوور ته راغى

شاپور په تيرو شپږو اوورونو کې يوازې لس منډې ورکړي او يو لوبغاړى يې سوځولى دى

نيپال په ٣٨ پاتې اوورونو کې پوره ١٩٠ نورو منډو ته اړتيا لري چې د پنځو منډو په اوسط يې ترلاسه کولى شي خو دوى ته يوازې اووه لوبغاړي ورپاتې دي

د ميرويس په شپږم اوور کې اووه منډې وشوې ، شايد د دۀ پر ځاى په بالينگ کې بدلون ووينو

د نيپال درې تکړه لوبغاړي سوځيدلي دي خو پام مو اوسه چې که چيرې دوه لوبغاړي لويه ملگرتيا وکړي لوبه بدلولى شي

مالا ر ميرويس څلوريزه واخيسته ، دا د نيپال د لوبې دويمه څلوريزه ده

ميروس خپل شپږم اوور کوي ، هوا په کويت کې توده ده شاوخوا ٣٣ درجې گرمي ده ، تيز بالران به تر کله وکولاى شي چې بالينگ وکړي

شاپور په خپل شپږم اوور کې هم کومه منډه ورنه کړه او يو لوبغاړى يې وسوځاوه

د نيپال نوى لوبغاړى مالا نوميږي

د شاپور لپاره دوه سليپ او يو گلي فيلډران ولاړ دي ، نبي په سليپ کې و چې کيچ ونيوه

شاپور وسوځاوه

دريم لوبغاړى شيکتي د شاپور ځدراڼ په توپ محمد نبي په سلېپ کې کيچ اوټ کړ

نيپال د څه کم درو په اوسط منډې جوړوي او اړتيا يې د څه کم پنځه منډو ده

نيپال ته په مخ کې پروت هدف ډير نه دى خو د افغانستان بالران پياوړي بلل کيږي او په تيرو وختونو کې يې تل له نيپال سره ښه لوبه کړې ده

نيپال ته په پاتې ٤٠ اوورونو کې ١٩٧ منډې پکار دي او اته لوبغاړي ورپاتې دي

د ميرويس په وروستي اوور کې اووه منډې وشوې

ريس احمدزى چې اوس ناست دى ،

او په لوبه کې نوره برخه نه لري

له بي بي سي پښتو ويبپاڼې سره په خبرو کې وايي چې ډاډه دى چې افغانان ښه روان دي

د نيپال د اوسنيو ولاړو منډه جوړونکو بخت تر اوسه ډير ښه دى ، د دواړو کيچونه نژدې شوي واى

د شاپور پنځم اوور بې منډو تير شو

د شاپور په وروستي بال نژدې بل کيچ شوى واى خو توپ د شهزاد مخته ولويد

شاپور له خپلې جگې ونې ښه استفاده کوي

د ميرويس اشرف او د افغانستان په شمال کې د کريکټ په باب د بي بي سي پښتو ويبپاڼې دا مطلب لوستى شئ

د شاپور توپ ډير راپورته کيږي او منډه جوړونکو ته پرې لوبه اسانه نه ده .

شاپور او ميرويس دواړو څلور څلور اوورونه کړي دواړو لس لس منډې ورکړي خو ميرويس دوه لوبغاړي سوځولي او دشاپور په توپ يو کيچ لويدلى

د ميرويس اشرف په وروستي اوور کې يو کيچ نژدې نيول شوى و خو د اصغر مخته پرېوت نو اصغر پکې گناه نه لرله

ريس احمدزى وايي د ميدان شاوخوا ډير زيات نندارچيان ناست دي ، ډيرى يې افغانان دي خو ځينې نيپاليان هم دي چې ډير شور کوي

رېيس احمدزى نن ټپي شوى و ، د ښې پښې زنگون يې خوږ شوى دى.

شاپور له نژدې ٣٠ متره ليرې منډه وهي ، دى په افغان لوبغاړو کې تر ټولو په ونه دنگ ځوان دى

شاپور ځدراڼ خپل څلورم اوور ته راغى ، کيڼ لاسى شاپور د افغانستان د لوگر ولايت اوسيدونکى دى

ميرويس په خپل دريم اوور کې يوه منډه ورکړه او خطرناک لوبغاړى يې هم پکې وسوځاوه.

ميروس اشرف د افغانستان د کندز ولايت د چاردرې په ولسوالۍ کې زيږيدلى دى ، تيز بالر دى او ښه منډې هم جوړوي

نوى لوبغاړى د نيپال کپتان پراس خدکا دى

ميرويس بل کس اوټ کړ

اصغر دا ځل کيچ ونه غورځاوه ، ميرويس اشرف خطرناک لوبغاړى انيل هم وسوځاوه

ميرويس اشرف له نورو ورځو خلاف نن اضافي منډې ورکوي په دريم اوور کې يې هم يو وايډ وکړ .

د شاپور په دريم اوور کې يوه منډه ونه شوه او کيچ هم ولويد ، بخت به کله ياري ورسره وکړي ؟

نيپال ته په پاتې ٤٥ اوورونو کې ٢٠٨ منډې پکار دي او نهه لوبغاړي ورپاتې دي

دا لوبغاړى شکتي نوميږي ، اصغر عمومآ ډير ښه فيلډر دى

د نيپال د نوي لوبغاړى کيچ د شاپور په توپ اصغر وغورځاوه،

د شاپور د دريم اوور په لومړيو درو توپونو منډه نه ده شوې

د نيپال د پيل لوبغاړو په روانو سياليو کې پرله پسې ښې منډې کړې وې ، که څه هم انيل لا ولاړ دى خو چيتري يې هم کمزورى نه و ، د افغانستان له لورې د دغې جوړې ماتول نيپال ته لوى گوزار دى

د ميرويس په دويم اوور کې يوازې دوه منډې وشوې او يو لوبغاړى وسوځيد

د چيتري کيچ شهزاد ونيو ، ميرويس زموږ له اټکل سره سم بيا هم په سر کې مخالف لوبغاړى وسوځاوه

ميرويس چيتري وسوځاوه

يو وخت مې له کبير خان څخه ، د افغانستان له روزونکي پوښتلي و چې ولې افغان بالران ډيرې اضافي منډې ورکوي ، دۀ ويل موږ عمومآ د مخالفې لوبډلې د سوځيدا هڅه کو ، پر هغوى د منډو د درولو کوشش نه کوو نو ځکه اضافي منډې هم پکې وي که د منډو د درولو هڅه وکړو نو سوځيدا پاتې کيږي ، نو زموږ لوبه بريدکوونکې لوبه ده احتياطي لوبه نه ده

ميرويس خپل دويم اوور هم په وايډ يا اضافې منډه پيل کړ

تر څلوريزې يو توپ وړاندې شاپور نژدې انيل سوځولى و خو بخت ورسره ياري ونه کړه

انيل ، خظرناک لوبغاړي په شاپور څلوريزه ووهله ، دا د نيپال لومړۍ څلوريزه ده

د شاپور د دويم اوورپه دويم توپ د سوځيدا لوى اپيل وشو خو لوبڅار ونه مانۀ

د ميروس اشرف په اول اوور کې شپږ منډې وشوې او د شاپور په لومړي اوور کې درې منډې شوې وې

د ميرويس اشرف وروستى بال ياکر و يا په بله ژبه د بېټ لاندې ورسيد خو منډه جوړونکي ورڅخه دفاع وکړه .

ميرويس اشرف په خپل لومړي اوور کې څلور وايډ يا اضافي مندې ورکړې

بشير ستانکزي له کويته بي بي سي پښتو ويبپاڼې ته وويل چې په سهار کې پچ لوند و منډه پرې نه کيده اوس لمر دى او منډه پرې اسانه شوې ده

ميرويس عمومآ لوبغاړي سوځوي

د ميرويس اول توپ دوه وايډ يا اضافي منډې شوې ، افغانستان تر اوسه په اوو توپونو کې درې اضافي منډې ورکړي دي

ميرويس به د نيپال انيل مندل ته توپ اچوي ، انيل په روانو سياليو کې تر بل هر لوبغاړي ډيرې منډې کړي دي او خورا تکړه ښکاري ، ميرويس په دې اتلوليو کې يوازې نيمه پايلوبه کې برخه اخيستې چې په اتلسو منډو يې د هانگ دوه لوبغاړي سوځولي و

ميرويس اشرف دويم اوور ته راغى په لومړي اوور کې شاپور درې منډې ورکړې

په ميدان کې شاوخوا څلور زره نندارچين شته چې په سلو کې اتيا يې افغانان دي

شاپور اول توپ نو بال و خو په فري هيټ يې منډه ورنه کړه په څلورم توپ نيپال دوه نورې منمډې واخيستې

شاپور بالينگ کوي

د افغانستان له خوا بالينگ شاپور ځدراڼ او ميروس اشرف عمومآ پيلوي

د افغانستان منډې

د اسيا د کريکټ شورا د غوره هيوادونو يا ايليټ ټرافي په پايلوبه کې افغانستان او نيپال يو بل ته مخامخ دي .

په دې لوبه کې نيپال پچه وگټله او لومړى يې افغانستان ته د منډو بلنه ورکړه .

د افغانستان لوبغاړو په پيل کې ښه لوبه ونه کړه .

که څه هم کريم صادق بالاخر په ١٠٥ توپونو ٥٨ منډې وکړې او په دې سياليو کې يې په ترسره شويو لوبو کې تر ټولو د ډيرو منډو وياړ ترلاسه کړ .

نور علي پنځه او شهزاد بې له کومې منډې وسوځيد .

نوروزمنگل ١٤ منډې وکړې او بيا په حيرانونکې توگه ميروس اشرف لوبې ته وروبلل شو .

ميرويس تيزه لوبه وکړه دوه شپږيزې او يوه څلوريزه يې وکړه او په ٦ منډو وسوځيد .

کله چې اصغر ستانکزى هم په شپږو منډو وسځيد افغانستان په ١١٤ منډو شپږ لوبغاړي له لاسه ورکړي و .

خو له دې وروسته ريس احمدزى او محمد نبي لوبې ته ودريدل .

نبي په ٤٨ او ريس احمدزى په ٥٢ منډو وسوځيدل .

د نبي او ريس ترمنځ د ٩٨ منډو ملگرتيا وشوه او دا د دوى منډې وې چې د نيپال لپاره هدف يې تر دوو سوو منډو واړاوه .

له نبي او ريس وروسته سميع الله شينوارى هم ژر وسوځيد .

د افغانستان لپاره تر ټولو بد اوور ٤٩ و چې پکې دوه لوبغاړي وسوځيدل او يوازې يوه منډه پکې وشوه .

حميد حسن او شاپور ځدراڼ په وروستي اوور کې په لومړي توپ يوه منډه په دويم د حميد حسن له خوا څلور په دريم يې منډه وانه خيستلى شوه .

د وروستي اوور په څلورم توپ هم منډه ونه شوه خو په پنځم يې حميد يوه منډه واخيسته او واک يې شاپور ته پرېښود چې په وروستي توپ څه کوي .

شاپور پرې وسوځيد .

په دې توگه نيپال بايد ٢٢٥ منډې ترلاسه کړي چې دا پايلوبه وگټي .

ميدان ته په پام سره شايد افغانستان شل يا پنځه ويشت منډې کم وي خو افغان بالرانو ته په پام سره او له نيپال سره د افغانستان ريکارډ ته په کتو شايد ٢٢٥ منډې هم کمې نه وي .

ورته مطالب