افغانستان پر پنجشنبه له کینیا سره لوبه لري

افغان کریکټ لوبډله
Image caption مخکې افغان لوبډلې په نایروبي کې کینیا ته په ۱۶۷ منډو لویه ماتې ورکړه.

د افغانستان د کریکټ بورډ وايي سبا (پنجشبه) د هېواد ملي لوبډله له کینیا سره یوه ورځنۍ لوبه لري.

مخکې افغان لوبډلې په نایروبي کې کینیا ته په ۱۶۷ منډو لویه ماتې ورکړه.

په کینیا کې د ملي لوبډلې مدیر نظیم جار عبدالرحیمزی وایي (( د لوبغاړو روحيه جګه ده او هیله ده چې د کینیا څخه دا درې یو ورځنۍ لوبې هم وګټي)).

همدارنګه عبدالرحیمزی وايي چې د درې لوبغاړو روغتیايي حالت ښه نه دی.

په تېرو لوبو کې نور علي ځدراڼ ټپي شوی و، او د غاړې له درده کړېږي، خو حمید حسن بیا ۱۱ لوبغاړي وسوځول.

تر سبانۍ لوبې وروسته افغانستان د اکتوبر پر نهمه او ۱۱مه نېټه دوه نورې لوبې هم لري.

د پنجشنبې په سیالۍ کې دغه لوبغاړي ګډون لري:

۱- نوروز منګل

۲- محمد نبي عیسی خېل

۳- ميرويس اشرف

۴- کريم خان صادق

۵- محمد شهزاد محمدي

۶- حميد حسن

۷- نور علي ځدراڼ

۸- سميع الله شينواری

۹- اصغر ستانکزی

۱۰- شاهپور ځدراڼ

۱۱- خالقداد نوري

۱۲- نور الحق ملکزی

۱۳- عزت الله دولتزی

۱۴- محمد جاوید احمدي

۱۵- عبدالله مزاري

ورته مطالب