انځورونه: په افغانستان کې د واورې رگبي

د واورې رگبي

په افغانستان کې په لومړي ځل د واورې رگبي لوبه ترسره شوه.

د جنوري په ٢٣ مه نېټه د کابل په لويديځ کې د قرغې ډنډ ته نژدې د گالف کورس پر ميدان د کابل يونايتيد او رحماني کلبونو ترمنځ لوبه وشوه.

دا لوبه چې په نژدې نيم متر واوره کې ترسره شوه د نندارچيانو د پام وړ وه.

د واورې رگبي د ارجنتاين ، کانادا او د هند تر ولکې لاندې کشمير کې شوې ده خو دا لومړى ځل دى چې په افغانستان کې تجربه کيږي.

د افغانستان د رگبي فدراسيون اداري مسوول اسد زيار بي بي سي پښتو وېبپاڼې ته وويل چې د واورې له رگبي سره لوبغاړو او نندارچيانو ښه مينه وښوده.

دوى هيله من دي چې د رگبي لوبه په افغانستان کې نوره هم وغوړيږي.

په دې وروستيو کې د کريکت لوبه هم په واورو کې افغان لوبغاړو په کابل کې وکړه.

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .