د کریکټ بورډ اجرایوي مشر او مرستیال لیرې شول

د خپريدو وخت: 08:02 گرینویچ - دوشنبه 08 اکتوبر 2012 - 17 تله 1391
حامد شینواری او نسیم الله دانش

حامد شینواری د کریکټ بورډ اجرایوي مشر او نسیم الله دانش یې مرستیال و.

د افغانستان کریکټ بورډ وايي چې ددغه بورډ اجرایوي مشر حامد شینواری او مرستیال اجرایوي مشر یې نسیم الله دانش له خپلو دندو استعفاوې وکړې.

کریکټ بورډ وايي چې د دواړو کسانو استعفاوې د کریکټ بورډ عمومي مشر شهزاده مسعود له لوري منل شوي دي.

دغه بورډ وايي چې د کریکټ بورډ د اجرایوي ریاست لپاره به ډېر ژر یو وړ کس د ازادې سیالۍ له لارې وټاکل شي.

د نوي اجرایوي مشر تر ټاکل کېدا به د دغه بورډ د لوړو مهارتونو د څانګې مدیر بشیر ستانکزی پر دې څوکۍ کار کوي.

د کریکټ بورډ دغو مشرانو داسې مهال استعفاوې کړې، چې د انگلستان د يوه يخواني او پېژندل شوي کریکټ کلب ايم سي سي، مشر فليپ هوډسن او دوه تنه نور نړيوال روزونکي کابل ته رسېدلي، او هلته يې ددغې لوبې د څلورویشت تنو افغان روزنکو مسلکي روزنه پيل کړې ده.

د افغانستان کریکټ بورډ وايي چې راغلي کسان کوم روزونکي روزي هغوى به بيا خپلې تر لاسه کړې تجربې په پلازمېنه او ولايتونو کې د کریکټ له ځوانو لوبغاړو سره شريکوي.

تللو روزونکو په افغانستان کې د کریکټ راتلونکى روښانه بللی دى.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .