پرت ټیسټ په لومړۍ ورځ اسټرالیايي بالران برلاسي وو

د خپريدو وخت: 10:56 گرینویچ - شنبه‬ 01 ډسمبر 2012 - 11 لیندۍ 1391

د سویلي افریقا لوبغاړي د اسټرالیايي بالرانو په وړاندې ناتوانه معلومېدل او یو په بل پسې وسوځېدل.

اسټرالیا له سویلي افریقا سره د کریکټ د دریمې ټیسټ لوبې په لومړۍ ورځ د ورځې په پای کې د لومړۍ پاړۍ (اننګ) په اوږدو کې د دوو لوبغاړو په سوځېدو ۳۳ منډې جوړې کړې.

د سویلي افریقا د برلاسي ختمولو لپاره اړینه ده، چې اسټرالیايي لوبډله نورې ۱۹۲ منډې جوړې کړي.

په داسې حال کې، چې په لومړۍ پاړۍ کې یې اته ویکټونه په لاس کې شته.

د لومړۍ ورځې په پای کې ډېویډ وارنر او ناتهن لیون د لوبي په ډګر کې موجود وو او په شریکه یې ۱۹ منډې جوړې کړې وې.

د اسټرالیايي لوبډلې لخوا ډېوډ وارنر او ایډوډ کوون اننګ پیل کړ.

د سویلي افریقا په څېر د اسټرالیا د لوبې پیل هم ډېر ښه نه و، ایله د ۱۸ منډو له جوړولو وروسته یې دوه لوبغاړي وسوځېدل.

د سویلي افریقا ډیل سټین او فلینډر یو یو لوبغاړی وسوځاوه.

له دې مخکې د سویلي افریقا ټوله لوبډله په لومړۍ پاړۍ کې د ۲۲۵ منډو له جوړولو وروسته وسوځېده.

"د اسټرالیا او سویلي افریقا تر منځ د کریکټ ټیسټ د روانو سیالیو دوې مخکینۍ لوبې له پایلې پرته پای ته رسېدلې دي."

د سویلي افریقا لوبغاړي د اسټرالیايي بالرانو په وړاندې ناتوانه معلومېدل او یو په بل پسې وسوځېدل.

د سویلي افریقا لوبغاړي ډوپلیسي البته په زړه پورې لوبه وکړه او د ۷۸ منډو له جوړولو وروسته هم د لوبي په ډګر کې ولاړ و.

د اسټرالیا لخوا ناتهن لیون درې او سټارک او جانسن دوه- دوه لوبغاړي وسوځول.

د جمعې په ورځ د پیل شوې ټیسټ لوبې پچه (ټاس) سویلي افریقا وګټله او لومړی یې د توپ وهلو پرېکړه وکړه.

د اسټرالیا او سویلي افریقا تر منځ د کریکټ ټیسټ د روانو سیالیو دوې مخکینۍ لوبې له پایلې پرته پای ته رسېدلې دي.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .