پاکستان ته د بنګله دېش لوبغاړو سفر لغوه شو

د خپريدو وخت: 09:51 گرینویچ - سه شنبه 01 جنوري 2013 - 12 مرغومی 1391

پاکستان کې د امنیتي اندېښنو له کبله د بنګله دېشي لوبغاړو سفر لغوه شوی دی.

بنګله دیش ویلي چې پاکستان ته د بنګله دېشي کریکټ لوبغاړو سفر لغوه شوی دی.

د بنګله دېش کریکټ بورډ اعلان کړی، چې دغه سفر یې پاکستان کې د وروستیو خونړیو پېښو له کبله لغوه کړی دی.

د بنګله دېش د کریکټ بورډ مشر ناظم الحسن د تېر دسمبر پر ۳۱مه په ډاکه کې خبریالانو ته ویلي، چې لوبغاړي به یې په راتلونکې جنورۍ کې پاکستان ته ولاړ شي.

دا تر ۲۰۰۹ کال وروسته پاکستان ته د بنګله دېشي لوبغاړو لومړی سفر دی.

په ۲۰۰۹ کال کې لاهور کې اورپکو پر سري لانکايي کریکټ لوبغاړو برید وکړ.

نظام الحسن ویلي: "د اوس لپاره بنګله دېشي لوبغاړي پاکستان ته نه ځي. زموږ د لوبغاړو او د ورزشي چارواکو امنیت تر هرڅه ډېر موږ ته مهم دي."

د پاکستان کریکټ بورډ هم ویلي، چې د بنګله دېشي لوبغاړو سفر پاکستان کې د امنیتي وضعیت له کبله لغوه شوی دی.

بنګله دېش ویلي، چې پاکستان ته یې ددغه سفر د لغوه کولو په اړه رسمي خبر ورکړی دی.

نظام الحسن ویلي، چې د لوبغاړو د سفر لغوه کولو په باب دا پرېکړه هغوی ته ډېره ګرانه وه.

هغه وايي: "موږ ژمنه کړې وه، چې پاکستان ته به سفر کوو. د کریکټ نړیوالې شورا په جدول کې هم دا سفر تایید شوی و."

په پام کې وه چې بنګله دېش د ۲۰۱۲ په اپرېل کې د پاکستان لاهور ښار ته د یوې ورځنیو۲۰ اووریزو سیالیو لپاره د کریکټ لوبغاړي ولېږي.

خو په ډاکه کې سترې محکمې د امنیتي اندېښنو له کبله دغه سفر لغوه کړ.

په دې اړه نور مطالب

تړلي موضوعات

BBC © 2014 .بي بي سي د پرديو ويبپاڼو د مطالبو مسووليت نه اخلي

.دا پاڼه که د سټايل شيټ براوزر لرونکې ويبپاڼې له خوا ( سي ايس ايس ) وليدل شي ښه به ښکاره شي. که څه هم په اوسني بروزر کې هم دا پاڼه تاسو ليدلى شئ خو تاسو به پوره تصوير پکې نه وينئ . لطفآ د خپل براوزر پر نوي کولو فکر وکړئ او يا که يې کولى شئ د سټايل شي برخه له کاره وغورځوئ .