د نړۍ تر ټولو چټک انسان د اولمپيک لوبو لپاره ريو ته رسېدلی

د انځور حقوق AP
Image caption د نړيوالو ځغاستو د ۱۰۰ ميترو او ۲۰۰ مترو ريکارډ ساتونکی په ريو هوايي ډګر کې

د نړۍ تر ټولو چټک انسان او دوه ځله د سرو زرو مډال ګټونکی يوسېن بلوټ د اولمپیک سياليو په موخه د برازيل ريو ته رسېدلی دی.

نوموړی به د اګست پر پنځمه پلېدونکو لوبو کې د ۱۰۰ مترو، ۲۰۰ ميترو او ۴ سلو مترو ځغاستې له اتلولۍ دفاع وکړي.

د انځور حقوق AP

۲۹ کلن يوسېن بولټ په هوايي ډګر کې له ښکته کېدو وروسته له خپلو مينه والو سره تصويرونه اخيستل او ارام ښکارېده.

بولټ هيله لري چې د درېيم ځل لپاره ځغاسته کې د سرو زرو مډال ترلاسه کړي.

د ځغاستو پر مهال له ټپي کېدو وروسته نوموړي په مونيخ کې تر درملنې لاندې و او له روغتيايي کتنې وروسته د دې وړ وګڼل شو چې په دغو سياليو کې برخه واخلي.

نوموړی په اولمپیک سياليو کې د جميکا د ۵۹ لوبغاړو له ډلې يو دی.

د انځور حقوق AP

ورته مطالب