د افغانستان فوټبال غوره لیګ پنځم پړاو پیل شو

د انځور حقوق AFL
Image caption د پرانیستې مراسمو کې نوې چمتو شوې ترانه وړاندې شوه

د افغانستان فوټبال غوره لیګ پنځم پړاو سیالۍ نن کابل کې د دغه لیګ له نوې سندرې سره پیل شوې. هر کال د افغانستان غوره لیګ دغو سیالیو کې د افغانستان له پنځو سیمو لوبډلې ګډون کوي.

د انځور حقوق AFL
Image caption ویل کېږي سږ کال په ډېری لوبډلو کې نوي لوبغاړي ګډون لري

د پرانیستې مراسمو کې د دغه لیګ لپاره په ځانګړې توګه چمتو شوې نوې ترابه وبلله شو، چې وحید قاسمي جوړه کړې او اشکان عرب، زیبا حمیدي او راشد اریا وبلله.

د پیل له مراسمو وروسته د سپین غر بازان لوبډله چې د تېر کال سیالیو اتله لوبډله ده له سیمرغ البرز لوبډلې سره د سیالۍ لپاره د لوبې ډګر ته ووته.

د انځور حقوق AFL
Image caption د افغانستان له پنځو سیمو نه اتو لوبډلو په دغو سیالیو کې ګډون کړی

دغه لوبه په مساوي توګه پای ته ورسېده. د تېر په څېر به دا ځل هم ټولې اته لوبډلې د څلورو، څلورو لوبډلو په دوو ډلو وېشل کېږي او له یوه بل سره به سیالي کوي.

په پای کې له هرې ډلې نه دوې لوبډلې نیمه پایلوبې ته رسېږي.

د انځور حقوق AFL

شاهین اسمايي ډله، د میوند اتلان، توپان هریرود او د اباسین موجونه لوبډلې په لومړي ګروپ کې او د سپین غر بازان، سیمرغ البرز، د امو موجونه د هندوکش عقابان لوبډلې په دویم کې شامل دي. سږ کال په ډېری لوبډلو کې نويو لوبغاړو ګډون کړی، چې د ډېر هیجان لامل به وي.

د انځور حقوق AFL

د دغو سیالیو لومړۍ اتله لوبډله توپان هریرود وه، د دویم او درېیم فصل اتلولي د شاهین اسمايي لوبډلې په برخه شوه او په څلورمو سیالیو کې د سپین غر بازان بریالي وو.

د سیالیو په نندارچیانو کې د تېر په څېر دا ځل هم ګڼ شمېر مېرمنې لیدل کېدې. د لوبو تنظیمونکو د لوبو ښځینه نندارچیانو لپاره د لوبغالي یوه برخه ځانګړې کړې ده.

ورته مطالب