سخته هوا

د امریکا د چاپېریال ساتنې اداره وايي، د پاکستان لاهور د نړۍ په ککړو ښارونو کې راځي. تېر کال هم د ککړې هوا له کبله پاکستان دویم هېواد بلل شوی و. تېره پنجشبه پاکستان کې د ککړې هوا له امله ښوونځي رخصت وو.

په ټوله نړۍ کې د هوا بدلون یوه جدي موضوع ده، د ځمکې تودوخه لوړېږي؛ کله کنګلونه ویلوي او کله ځنګلونه سوځوي، تودوخه خلک ستومانوي؛ د ژغورنې له پاره یې کورونو او دفترونو کې ایرکنډېشنونه لګول کېږي. خو دا ماشین که دننه هوا سړوي، بهر بیا همدغومره تودوخه جوړوي.

د فرانسې د عامې روغتیا وزیره وایي، سږ کال په جون او جولای میاشتو کې د رېکارډ کچې ګرمۍ له کبله ۱۴۳۵ کسانو خپل ژوند له لاسه ورکړی. اګنیس بوزېن له یوې ځایي راډیو سره مرکه کې وویل، د دې کسانو تر نیمایي ډېرو عمرونه تر ۷۵ کلونو پورته وو

ساینس پوهان وایي، دا د ځمکې لپاره د تودوخي د ازمایښت وروستۍ تازه نښه ده. ټولې اروپا تېره میاشت د تودوخي ګرمې څپې وزغملې. په هالنډ کې پنجشنبه ۲۵ جولای د دې هېواد په تاریخ کې تر ټولو ګرمه ورځ بلل شوې ده.