بې وزلي

د ماشومانو ژغورلو موسسه (Save the Children) وايي تېرې دوه میاشتې "جون او جولای" افغانستان کې ۸۰ زره ماشومان د جنګ جګړو له کبله له خپلو مېنو بې ځایه شوي دي. دا اداره خبرداری ورکوي چې دغه ماشومان اوس خوراکتوکو، سرپناه او درملو ته جدي اړتیا لري.

د افغانستان د بیا رغونې د څار امریکايي بنسټ سیګار د امریکا کانګرس ته په خپل درې میاشتنې رپوټ کې د ملګرو ملتونو له خولې ویل شوي چې د افغانستان د ټول نفوس نژدې نیمايي برخه وګړي د کورونا وبا له امله بشري مرستو ته اړتیا لري، په رپوټ کې ویل شوي چې د افغانستان د ټول نفوس نژدې نیمايي برخه ښايي راتلونکی کال له لوږې سره مخامخ شي.

کابل کې پولیسو یو کس پر یوې ۹ کلنې ماشومې د جنسي تېري په تور نیولی دی. دا پېښه پرون دوشنبه "د وري/حمل ۲مه" د کابل د دریمې ناحیې اړوند په کارته سخي سیمه کې شوې ده. د کابل د امنیه قوماندانۍ ویاند فردوس فرامرز پر خپله فېسبوک پاڼه لیکلي چې د تورن کس "دوسیه به د څېړنو له بشپړېدو وروسته عدلي او قضايي بنسټونو ته" وسپارل شي.

د هغو لپاره چې فکر یې کاوه قرنطین به د واده شویو لپاره د دې لامل شي چې هغوی به د اولاد له زیږون پرته بل کار و نه لري، یو حیرانونکی خبر دی - د ماشومانو زیږون زیات نه بلکې کم شوی دی.

د بریتانیا حکومت وايي، له ۱۲ کلونو په ډېر عمره افغان نجونو ښوونځیو کې د ترانې ویلو محدودیت به سملاسي وارزوي، ځکه دا محدودیت پر هغو ښوونځیو هم پلی کېږي چې بریتانیا یې مالي ملاتړ کوي. پرون د افغانستان د انساني حقونو خپلواک کمېسون هم وویل، ښوونه روزنه او هنري فعالیت د هر انسان بنسټیز حق دی او د دې حق هر ډول محدودیت د ماشومانو د ملاتړي قانون، د افغانستان اساسي قانون او بشري حقونو خلاف ګڼل کېدی شي.

د غور د ولایتي شورا او مدني ټولنې یوشمېر غړي وایي پوره یو کال وړاندې د افغانستان ولسمشر د ویډیو کنفرانس له لارې د غور لپاره د دریو لویو پروژو د ترسره کولو ژمنه وکړه، خو هېڅ یوه یې نه ده عملي شوې.

د هرات والي وحید قتالي د یوه کلي له هغو خلکو سره د مرستې ژمنه کړې چې د تنګلاسۍ له امله د خپلو پښتورګو یا ګوردو پلورلو ته اړ شوي وو. نوموړي ګواښ کړی چې د پښتوروګو دا ډول عملیاتو کې ښکېل روغتونونه به څارنوالۍ ته ور وپېژني.

د افغانستان اقتصاد وزارت د وروستیو څېړنو او سروې ګانو پر بنسټ ویلي، دا ځل د لرې پرتو سیمو پرتله په ښار مېشتو وګړو کې د بې وزلۍ کچه لوړه ثبت شوې ده. وزارت ویلي په ښارونو کې د کورونا ګرځبندیز له کبله بې وزلي څلور سلنه او په لرې پرتو سیمو چې د دوی په وینا کورونا ډېر اغېز نه درلود بې وزلي درې سلنه ډېره شوې ده.