د ښځو روغتیا

د افغانستان د عامې روغتیا وزارت وايي، په هېواد کې یې له کوویډ سره د تړلې تور فنګس (تور فنجي) ناروغۍ درې مثبتې پېښې په کابل، بغلان او سمنګان ولایتونو کې موندلې دي، چې په تور فنګس اخته درې واړه ناروغان په کورونا وېروس هم اخته شوي دي.

د ایټالیا ځايي رسنیو په رپوټونو کې ویل شوي، دغه هېواد کې یوه مېرمن تر لسو میاشتو پورې د کوما په حالت کې وه، اوس په هوښ راغلې او لومړۍ خبره کې یې مور ته غږ کړ.

په سویلي افریقا کې یوې مېرمن ۱۰ ماشومان زېږولي چې کېدای شي نړیوال ریکارډ وبلل شي.

چین وايي، له دې وروسته د دغه هېواد هره جوړه درې بچي زېږولی شي او په دې ډول له لسیزو وروسته له هرې جوړې د دوو بچیانو لرلو محدودیت لرې کېږي. د چین دولتي رسنۍ شین هوا وايي، په قانون کې دا بدلون د چین ولسمشر شي جن پینګ په مشرۍ د چین کمونېست ګوند مرکزي سیاسي دفتر غونډه کې راغی.

د افغانستان د پوهنې وزارت د نجونو په ټولو ښوونځیو کې د پاکو اوبو او مناسبو روغتیايي خدمتونو د برابرولو په اړه خبر ورکړی دی.

نن د مې میاشتې ۲۳مه نېټه ده چې د زېږون فیستولا ناروغۍ د پای ته رسولو له نړیوالې ورځې سره برابره ده. د زېږون فیستولا یوه ننګونکې او زړه بوږنوونکې ولادي ناروغي ده او که درملنه یې ونه شي مېرمن تلپاتې معلولوي. په افغانستان کې د بې وزلۍ او په کم عمر کې د نجونو د ودونو له امله زېږون فیستولا پېښې زیاتې دي، خو په وروستیو کلونو کې د کابل په ګډون په یو څو نورو ولایتونو کې هم د دغه ناروغۍ د درملنې امکانات برابر شوي دي.

د افغانستان له سرطان سره د مبارزې بنسټ د بورډ مشره نسرین اوریاخېل وايي، هر کال افغانستان کې شاواخوا شل زره کسان په سرطان ناروغۍ اخته کېږي، چې نژدې ۷۵ سلنه (۱۵ زره) یې له امله مري. نوموړې وايي، د سرطان په هکله مالوماتو نشتوالی، نیمګړې درملنه او بې وزلي هغه څه دي چې افغانستان کې یې له امله د سرطان ۷۵ سلنه ناروغان مري. نسرین اوریاخېل د روغتیا وزارت کې د سرطاني ناروغیو لپاره د بودیجې ځانګړي کول هم یو ضروري ګام وباله.