اورګاډي ټرانسپورټ

جرمني او بلجیم کې ژغورندویه ډلو هڅې چټکې کړې چې وروستیو سیلابونو کې سلګونه نادرکه شوي کسان وژغوري. دغو سیلابونو کې تر اوسه د ۱۲۰ تنو مړینه رسمآ تائید شوې خو سلګونه نور نادرکه دي.

د پاکستان سیند صوبې ګوټکي سیمې ته نږدې د سرسید ایکسپرېس او ملت ایکسپرېس اورګاډو په ټکر کې ۴۳ کسان ووژل او تر ۱۰۰ ډېر ټپيان شول. د پاکستان لومړي وزیر عمران خان ټوېټر کې پر دې پېښه خواشیني څرګندولو سره زیاتوي: "د پټلۍ وزیر د پېښې ځای ته تللی، ټپیانو ته د طبي مرستې او د وژل شویو خپلوانو سره د مرستې باوري کولو لارښوونه ورته شوې ده. "

یونایټډ هوايي شرکت اعلان کړی چې غواړي تر ۲۰۲۹ کال پورې ۱۵ تر غږ چټکې د سپرلۍ الوتکې وپېري او هوايي چلن ته بیا چټکتیا وروبښي. تر غږ د چټکو الوتکو هوايي سفرونو په ۲۰۰۳ کال تر هغې وروسته پای وموند چې فرانس او بریتیش هوايي شرکوتونو د کانکورډ الوتکو کارونه ودروله.

د مکسیکو پلازمېنه مکسیکو سیټي کې د اورګاډي تېرېدو پر مهال پل غورځېدلی چې ور سره ۲۳ کسان وژل شوي او ۷۰ ټپیان دي. د ښاري چارواکو په خبره، د اورګاډي څو ډبې هغه مهال له پل وغورځېدلې او یوه ډبه هم غبرګه شوه چې د پل یوه مټه یا ستن ونړېده.

مصر کې د دوو مساپرو وړونکو اورګاډو ټکر کې لږ تر لږه ۳۲ کسان مړه او ۱۶۵ ټپي شوي دي. دا پېښه سوهاج ښار ته نږدې شوې او پایله کې یې د اورګاډو ګڼې غرفې له پټلۍ وتلې او اوښتې دي.

افغانستان په ۱۳۹۹ کال کې د خونړیو جنګ جګړو او ناامنۍ ترڅنګ د هیله بښونکو خبرونو شاهد هم و.

د افغانستان د بهرنیو چارو وزیر محمد حنیف اتمر وايي، د ازبکستان پلازمېنه تاشکند کې یې د افغانستان، پاکستان او ازبکستان ترمنځ د پټلۍ جوړولو لار نقشې تړون د تېرې سې شنبې په ورځ لاسلیک کړ، چې له مخې به یې دا ګډه پروژه د سیمه ییزو اړیکو، سوداګرۍ او ټرانزیټ د ودې لپاره مشترک ټکی شي.

بریتانیا کې د کورونا د نوي چټک خپرېدونکي وېروس د پیدا کېدو له رپوټونو سره اروپايي هېوادونو دغه هېواد ته خپلې الوتنې وځنډولې. جرمني، ایټالیا، ایرلنډ، بلجیم، فرانسه او هالنډ ټولې الوتنې او په ټول کې بریتانیا ته تګ او له دغه هېواد را تګ د لنډمهال لپاره ځنډولی دی. پر اروپا سربېره ایران او ترکیې هم دغه هېواد ته پر الوت لنډمهالی بندیز ولګاوه.

د افغانستان د اورګاډو پټلۍ اداره وايي د اقینې-اندخوي د اورګاډي پټلۍ تر ۸۵ سلنې ډېرې چارې بشپړې شوې او ژر به ګټه اخیستلو ته چمتو شي. دې ادارې پر خپله رسمي فېسبوک پاڼه لیکلي دا پټلۍ ۳۱ کیلومتره اوږده ده او ټاکل شوې د راتلونکي کال لومړیو میاشتو کې رسمآ پرانیستل شي. د دې پټلۍ د رغولو چارې چې افغانستان له ترکمنستان سره تړي، د روان زېږدیز کال په لومړیو کې پیل شوې وې.