د نشه يي توکو کاروبار

د هند ممبۍ کې له دوو کسانو سره د څه باندې ۷ کیلو ګرامه ۹۰ سلنه خالصو طبیعي یورانیمو د نیول کېدو په تړاو د څېړنو دنده د دغه هېواد د څېړنو ملي ادارې ' این ای اې' ته وسپارل شوه. این اې ای هند کې د ترهګریزو پېښو په تړاو د څېړونو تر ټولو مهمه اداره ده.

د افغانستان د عامې روغتیا وزارت وایي، دې هېواد کې نږدې دوه نیم میلیونه وګړي چې ۴۰ سلنه یې مېرمنې دي نشه یي توکي کاروي. یاد وزارت وايي، د لېرې پرتو سیمو مېرمنې دوه برابره ډېرې د ښاري مېرمنو پرتله په نشه یي توکو روږدې دي. دې هېواد کې شاوخوا ته نیم لکه ښځې او کابو یو نیم لکه ماشومان دا مهال په نشو روږدي دي، خو د درملنې مرکزونو شمېر خورا کم دی.

د هالنډ پولیس وايي، د اسټرالیا حکومت د جلب حکم له صادرېدو وروسته یې هغه کس نیولی چې ادعا کېږي د نشه يي توکو د یوې تر ټولو سترې ډلې مشر دی. ویل کېږي چین کې زېږېدلی کاناډایی وګړی ـ سي چه لاپ - د هغې ډلې یا کمپنۍ مشر دی چې اسیا کې د نشه یي توکو د بې قانونه سوداګرۍ پر ۷۰ میلیارد ډالري بازار واکمن دی.

ملت ته د حکومت د حساب ورکولو اونۍ په پیلېدو سره د افغانستان د ماليې وزارت وايي، حکومت په ۱۳۹۹ کال کې د ۵۰۰ میلیارده افغانۍ بودیجې د ۸۷ سلنې په لګولو بریالی شوی. بل خوا، د عامه او ستراتیژیکو اړیکو برخه کې د ولسمشر ستر سلاکار وحید عمر وايي سږ کال دا پروسه د دې لپاره هم ډېره مهمه ده چې افغاستان په یوه تاریخي پړاو کې دی.

د پاکستان سند ایالت عالي محکمې تر لسو ګرامو پورې د چرسو ساتلو او کاروولو په هکله عریضه رد کړې او عارض سړی یې رټلی دی. قاضې د عریضې په ځواب کې هغه مدافع وکیل ته چې دغه عریضه یې وړاندې کړې وه، وویل: ایا ته غواړې، چې ټول خلک د چرسو څکول پیل کړي؟

د هند د نشه يي توکو ضد ادارې د بالیووډ هنرمنه ریا چکرورتي د خپل ملګري(بوای فرېنډ) هنرمن سوشانت سینګ راجپوت د ځان وژنې اړوند نشه يي توکو د دوسیې له امله ونیوله.

د پاکستان حکومت درملو کې د کارولو لپاره د محدودې اندازې بنګو کرلو اجازه ورکړه او دې برخه کې یې اړوند چارواکو ته د ګام پورته کولو حکم وکړ. بنګ به د حکومت په څار کرل کېږي او خصوصي سکتور یا څانګه پکې شامله نه ده.

بریتانوي کارپوهان وايي، دګزامتازون نومي ارزان بیه درمل چې په پراخه کچه موندل کېږي، د کورونا وېروس سختو ناروغانو په ژوند ژغورلو کې مرسته کولای شي. ویل کېږي د هغو ناروغانو مړینې کچه چې په مصنوعي توګه تنفس ورکول کېږي، له دې درملو سره یو په درېیمه برخه کمېږي.