ټکنالوژي

د ټاس دولتي خبري آژانس ویلي چې د روسیې امنیتي مامورینو دغه هېواد کې تر غږ د چټکو الوتنو د یوې څېړنیزې موسسې مسؤل د جاسوسۍ په تور نیولی دی. الکساندر کورانوف، چې د پلازما فزیک یو متخصص او روسیه کې له غږه د چټکو سیستمونو د مؤسسې د طراحۍ مسؤل دی، په سن پیترزبورګ کې نیول شوی دی.

وټس اپ د یوې نوې ځانګړنې اضافه کولو په درشل کې دی چې یو عکس او وېډیو به تر یو ځل کتلو وروسته د ګرځنده ټیلیفونونو له وټس اپ کاریال (اپلیکېشن) ړنګېږي.

زوم شرکت منلې چې امریکا کې ترې د خصوصي حریم د نقض په اړه د شوي ډله ییز شکایت پای ته رسولو لپاره ۸۶ میلیون ډالر ورکړي. زوم د ویډیويي کنفرانس د یوه کاریال تولیدونکی شرکت دی.

اوس موږ پوهېږو چې تشیال یا فضا کې ژوند هم ځمکې ته ورته دی. کوم ستورمزلي چې تشیال نړیوال تمځي کې ژوند کوي، زموږ په څېر خوري، څښي، کار او ان لوبې کوي. خو پوښتنه دا ده چې دوی تشیال کې جامې او کالي څنګه مینځي. یو ځواب خو دا دی چې دا کار نه کوي.

یوټیوب وايي، د برازیل د ولسمشر ژاییر بولسينارو ویډیوګانې یې ځکه له دې شبکې لرې کړې چې د کورونا وبا په هکله یې ناسم مالومات خپرول. دا شرکت وايي، د برازیل ولسمشر د چینل اړوند ویډیوګانو د لرې کولو پرېکړه له ایډیالوجۍ یا سیاست سره اړیکه نه لري او له کره ارزونې وروسته یې د دې فلمونو د لرې کولو پرېکړه کړې ده.

د نړۍ تر ټولو شتمن کس، امریکایی میلیاردر جېف بېزوس نن سې شنبه له ۳ نورو کسانو سره یو ځای خپله شخصي فضایي بېړۍ کې فضا ته روان شو. له نوموړي سره په دې سفر کې د ده ورور مارک بېزوس، د فضایي چارو ۸۲ کلنه کارپوهه والي فنک او یو اتلس کلن محصل هم شامل دي.

د هند د شمالي ایالت راجستان په مرکز جیپور ښار کې د تندر پرېوتو له کبله ۱۶ تنه مړه او ګڼ نور ټپي شوي دي. د رپوټونو له مخې دغو کسانو باران کې د ۱۲مې پېړۍ د یوې شاهي ماڼۍ 'امیر کلا' د څارڅلي پر سر سلفي عکسونه اخیستل چې تندر پرې پرېوت.