سرطان

په امریکا متحدو ایالتونو کې یوه ډاکتر د سرطان ناروغانو ته نژدې ۶۵۰۰ ډالره پور بښلی دی. د سرطان درملنې متخصص ډاکتر عمر عتیق له هغه وروسته خپلو ناروغانو ته د درملنې لګښتونه بښلي، چې د ناروغانو له ضعیف اقتصادي حالته خبر شوی.

په اسټرالیا کې ساینس پوهانود لابراتواري ازموینو په پایله کې موندلې چې د شاتو د مچیو زهر ځینې هغه سرطاني حجرې وژني چې د ښځو په تیونو کې موندل کېږي، او په دې توګه د تیو د سرطان درملنه کې مرسته کولی شي. دغه موندنه په زړه پورې بلل شوې، خو ساینس پوهان خبرداری ورکوي چې نورو ازموینو او څېړنو ته هم اړتیا شته.

د امریکا په فلوریډا کې یوه ټلویزیوني خبریاله د خپلې خپرونې یوې لېدونکې لخوا متوجه شوه چې په غاړه کې یې سرطاني ټیومر وده کړې. خبریالې ویکټوریا پرایس له دغې لیدونکې مننه کړې، چې په خبره یې په برېښنالیک کې یې د دې پر غاړه د سرطاني علایمو له لیدو وروسته د معایناتو او درملنې ټینګار پرې کړی.

ډاکتر ریچل کلارک د درد اراموونکې څانګه کې کار کوي او له داسې ناروغانو سره یې سر و کار دی چې مري. درې کاله مخکې، په سرطان د اخته پلار پالنه کوله. هغې بي بي سي ته وویل، دې تجربې د خپګان او غم په مفهوم ‍پوه کړه او غوره ډاکټره یې ترې جوړه کړه.

په افغانستان کې د "طلوع نیوز" تلوېزیوني شبکې د بنسټګر او د سیاسي پروګرامونو وړاندې کوونکي مجاهد کاکړ پر مړینې بېلابېل غبرګونونه ښودل شوي. مجاهد کاکړ د تېرې دوشنبې په ورځ په ۵۱ کلنۍ په جرمني کې د درملنې پر مهال سا ورکړه.

د فبرورۍ ۴مه، له سرطان ناروغۍ سره د مبارزې نړیواله ورځ ده. افغان چارواکي وايي، که څه هم د سرطاني ناروغیو کمو ناروغانو ته د درملنې اسانتیاوې لري، خو په کال کې په دې ناروغۍ له شاوخوا ۲۰ زره اخته کسانو یې شاوخوا ۱۵ زره مري.