پر ايران لگېدلي بنديزونه

ځینې افغان فرهنګیانو او مدني فعالانو افغانستان کې له یوه ایراني کډوال همایون زارعان سره د مرستې لپاره د ملګرو ملتونو له کډوالو ادارې وغوښتل چې د هغه وضعیت ته پام وکړي. همایون زارعان له ۶ کلونو راهیسې افغانستان کې کډوال دی

د ایران په چارو کې د امریکا د بهرنیو چارو وزارت ځانګړی استازی برایان هوک وايي، ممکن د ایران وروستیو مظاهرو کې له زرو ډېر کسان وژل شوي وي. هغه زیاتوي، دا رپوټونه هم ورته رسېدلي چې زرګونه کسان ټپي او لږ تر لږه اوه زره نیول شوي دي.

د امریکا دفاع وزارت پنټاګون ویلي، سمندري ځواکونو یې یوه بېړۍ نیولې چې د توغنديو پرمختللې پرزې پکې بار وې او یمن ته وړل کېد. یمن کې حوثي یاغیان د ایران له ملاتړه برخمن دي.

امریکايي رسنیو د دغه هېواد د چارواکو له خولې په منځني ختیځ کې د واشنګټن د ګتو پرضد د ګواښ ډېرېدو خبر ورکړی او وايي ایران په پټه په عراق کې د لنډ واټن ویشتونکو توغندیو یو وسله‌تون جوړ کړی دی. نیویارک ټایمز د امریکا د پوځي او امنیتي چارواکو له خولې ویلي، د ایران دا کار د هغو هڅو یوه برخه ده، چې غواړي په منځني ختیځ کې وېره خپره کړي.

د بښنې نړیواله اداره د باوري رپوټونو له مخې دې پایلې ته رسېدلې چې ایران کې د وروستیو مظاهرو له امله د وژل شویو شمېر لږ تر لږه ۲۰۸ کسانو ته رسېدلی، خو زیاتوي "که څه هم رېښتونی شمېر له دې ډېر دی". د ا اداره زیاتوي، د ژول شویو کورنۍ ګواښل شوې چې له رسنیو سره خبرې او د خپلوانو ویر ونه کړي.

د ایران پارلمان ته د نوماندۍ نوملیکنه پرون پیل شوه او د کورنیو چارو وزیر په خبره، په همدغه ورځ ۳۷۸ کسانو نوم لیکلی دی. د ایران مذهبي مشر د یکشنبې په ورځ د دې وارمخکې نوملیکنې په هکله خبرداری ور کړ. د انقلاب له لومړیو د پارلمان پر اهمیت او مهمو پرېکړو کې د خلکو پر استازۍ او ګډون ټینګار کېږي.

یوه خبره سرچینه وايي، ایران کې د وروستیو لاریونونو له امله ۹ افغان وګړي هم وژل شوي او ۱۲۱ نور د ایران امنیتي ځواکونو نیولي دي. دا سرچینه وايي، د یوه ۱۸ کلن وژل شوي خپلوانو ورته وویل، د کرج اوسېدونکی دا هلک د سودا اخیستو لپاره له کور وتلی او په نښه شوی دی.

عراق کې پرون پنجشنبه د روانو حکومت ضد اعتراضونو او لاریونونو په ترڅ کې تر ټولو خونړۍ ورځ وه او د چارواکو او روغتیایي کارکوونکو په وینا، تاوتریخوالي کې لږ تر لږه ۳۵ کسان وژل شوي دي. وروستۍ مرګ ژوبله په ناصریه، بغداد او نجف ښارونو کې رامنځته شوې

ترکي پولیسو منلې چې څو ورځې مخکې د استانبول "شیشلي" کلي کې ایرانی مخالف خبریال مسعود مولوي په ۱۱ ډزو وژل شوی دی. ۳۲ کلن مولوي پر خواله رسنیو خپلو مینه والو ته ځان یو "عالم او مخترع" معرفي کړی و. نوموړي په امریکا کې تر دوکتورا زدکړې کړې دي.

د روسیې د بهرنیو استخباراتو سازمان ویاند په ایران کې د پخواني شوروي اتحاد د جاسوسې ګوهر وارطانیان چې په مستعار نوم "انیتا" مشهوره وه، د مړینې خبر خپور کړی. ګوهر وارطانیان او د هغې مېړه وتوانېدل چې ددغو تېرو یادو شویو مشرانو د وژلو لپاره د نازي المان دسیسه شنډه کړي.