فېسبوک

د رواني طب څېړونکو ویلي، د نړۍ څلورمه برخه ځوانانو ژوند په یو ډول له ځیرک ټیلېفونونو سره تړلی چې ځانونه ترې نه شي خلاصولی او ان پر ټیلېفون د "روږدېدو" ټکی ورته کارول شوی. د څېړنې پایله کې ویل شوي، زلميان په ځیرک ټیلیفون کې د وخت لګول نه شي مهارولی.

په مجازي نړۍ (خواله رسنیو) کې د افغانستان د ښځو د ځورونې او ګواښلو "ډېرېدو" په خواله رسنیو کې د ښځینه کاروونکو اندېښنې ډېرې کړې دي. د افغانتسان د مخابراتو او ټکنالوجۍ وزارت هم په دې اړه وايي، په تېرو شپږو میاشتو کې یې ۳۵۰ سایبري شکایتونه ثبت کړي دي.

برتانوي کومیډي ممثل ساشا بارون کوهین د خواله رسنیو پر فېسبوک شبکې نیوکه کړې،‌ چې په وینا یې که د شلمې پېړۍ درېیمه لسیزه کې فېسبوک وای،‌ نو هېټلر ته به د ساميانو ضد باورونو خپرولو ته اجازه ورکړل شوې وای.‌

د افغانستان د مخابراتو وزارت وايي، په دې هېواد کې د انټرنېټ له لارې ځورول یا کړول یو جدې ستونزه بدله ده. دغه وزارت وایي یوازې په تېرو څلورو میاشتو کې له زرو ډېر شکایتونه په دې اړه ورسره ثبت شوي دي.

د ټوېټر بنسټګر جک دورسي په خپل شخصي ټوېټري پیغام کې لیکلي چې دې ادارې پریکړه کړې له دې وروسته به په ټوله نړۍ کې د ټوېټر پر دې خواله رسنۍ سیاسي اعلانونه بند کړي. ښاغلي دورسي لیکلي، د دې بندیز لاملونه ډېر دي چې یو یې "موږ باوري چې یو سیاسي پیغام ترلاسه کړو، نه دا چې ویې پېرو."

ټېک ټاک یو چینایی شرکت دی او په خواله رسنیو کې نسبتاً نوی نوم دی. که ستاسې عمر تر ۳۰ کالو ډېر وي نو ښایي نوم مو یې هم نه وي اورېدلی. ځوانان پر ټېک ټاک خپلې لنډې ویډیوګانې شریکوي. خو کارپوهان وایي، دا نوی شرکت اوس له فېسبوک او انسټاګرام سره سیالي کوي

د برتانیا د لومړي وزیر بوریس جانسن هغه انځور ډېر لاس په لاس شوی، چې د فرانسې له ولسمشر ایمانوېل مکرون سره په الیزیه ماڼۍ کې د دواړو منځ کې د یوه کوچني مېز پر سر ښاغلي جانسن خپله پښه اېښې ده. خلکو فرانسه او برتانیا کې ددغه انځور په اړه ډېرې څرګندونې کړې دي.

ځینې نوي معلومات رابرسېره شوي چې فېسبوک شرکت پر فېسبوک مسېنجر د کاروونکو غږیزو خبرو او غږیږ بنډار ته غوږ نیسي او ان په کاپي کولو یې هم سرپه نه کوي. فېسبوک وايي، له "یوې اونۍ راهسې یې" پر مسېنجر د کاروونکو د خبرو ته غوږ نیول درولي دي.

د امریکا د ولسمشر ډونلډ ټرمپ تر نیوکې وروسته د امريکا د خزانې وزارت هم د فېسبوک شفر لرونکې ډیجیټل سکې نیوکه کړې، چې وايي ډېر امکان لري چې دا سکه په جرمي موخو کې وکاروله شي.