طب

د درملو جوړولو فرانسوی شرکت،سېرویېر، د مېدیاتور په نامه د بدن د وزن د کمولو تابلېتونو پرسر چې یوستر روغتیايي جنجال یې رامنځته کړی و، د درغلۍ او غېرقصدي قتل په تور جریمه شو. د مېدیاتور په نامه دا تابلېت دهغو کسانو لپاره جوړ شوي و چې د شکرې ناروغي يې درلوده.

پوهانو له فضا نه د کولرا ناروغۍ د خپرېدو د وړاندوینې یوه طریقه موندلې کړې، چې وايي دا کار د ځانګړو مصنوعي سپوږمکیو په مټ د اقلیمي بدون د څارنې او مصنوعي ذکاوت د ټیکنالوجۍ له لارې کېدای شي.

کله چې د کورونا واکسین خبره کېږي نو تر ټولو مهمه پوښتنه دا وي چې کله به خلکو ته رسېږي.‌ یو شمېر هېوادونو د خپلو وګړو واکسینولو پرواګرام چمتو کړی،‌ خو ګڼو هېوادنو کې وضعیت لا هم روښانه نه دی. داسې اندېښنې هم شته چې ځینې هېوادونه ته ښایي ان تر ۲۰۲۳ کاله هم واکسین و نه رسېږي، او یا یې ښایي‌ بیخي ترلاسه نکړي. دې رپوټ کې کتلی شئ چې د نړۍ کوم هېواد د واکسیناسیون بهیر کې تر نورو مخکې دی.

د پاکستان ولسمشر د زبرزنا یو نوی قانون لاسلیک کړ چې له مخې به یې محاکمه کول او د سختو سزاوو اورول اسان شي. د دې له مخې به د جنسي مجرمانو نومونه ثبتېږي او د قربانیانو هویت به پټ وساتل شي او همدارنګه تجاوزګر به په کیمیايي موادو خصي کېږي.

د افغانستان عامې روغتیا وزارت ویلي د فارمسۍ زده کوونکي په کم ساري ډول ډېر شوي، خو ټينګار یې کړی چې په ځينو ولایتونو کې لا هم د فارمېسسټانو پرتله درملتونونه ډېر دي. د عامې روغتیا وزارت د شمېرو له مخې، په افغانستان کې ۱۴ زره قانوني درملتونونه شته، خو مسئولین دا هم مني چې سلګونه نور ناقانونه داسې درملتونونه هم فعالیت کوي چې حکومت یې له کار او روزګار نه دی خبر.

په اسټرالیا کې ساینس پوهانود لابراتواري ازموینو په پایله کې موندلې چې د شاتو د مچیو زهر ځینې هغه سرطاني حجرې وژني چې د ښځو په تیونو کې موندل کېږي، او په دې توګه د تیو د سرطان درملنه کې مرسته کولی شي. دغه موندنه په زړه پورې بلل شوې، خو ساینس پوهان خبرداری ورکوي چې نورو ازموینو او څېړنو ته هم اړتیا شته.

د بي بي سي پلټنو موندلې ده چې په هند کې د کورونا وېروس لپاره کارېدونکي دوه ډوله درمل (رېمډېسېور او ټوسیلي زوماب) په عام بازار کې نه موندل کېږي،‌ خو په تور بازار کې په پټه او په لوړه بیه خرڅېږي.‌ بي بي سي له یو شمېر هغو کسانو سره خبرې کړې دي‌ چې وایي، که (مناسبه) بیه ورکړل شي‌ نو دوی کولی شي چې دا درمل درته پیدا کړي.‌