شیعه اسلام

وروسته تر هغه چې د عراق کربلا ښار کې د کعبې د مجسمې انځورونه او وېډیوګانې خپرې شوې او خلک یې شاوخوا طواف کوي، ګڼو خلکو نیوکې پرې وکړې او ګڼې پوښتنې راپورته شوې.‌ حقیقت څه دی؟

په ایرانشهر کې د سُنیانو د یوه مذهبي ځای تر ړنګولو او د یوه سني مذهبي مشر تر نیول کېدو وروسته د ایران سیستان او بلوچستان ولایت کې امنیتي ننګونې ډېرې شوې دي. بلوڅ فعالان وايي امنیتي کارمنانو د شنبې په ورځ ایرانشهر کې د سنیانو یو مذهبي مشر مولوي ناصر بهادرزهي نیولی دی.

د عراق لومړي وزیر مصطفی کاظمي ویلي حکومت یې دغه هېواد کې له فعالو ملیشه ډلو سره "پرېکنده تقابل" ته چمتو دی. ښاغلي کاظمي پر خپله ټويټرپاڼه لیکلي د عراق حکومت هېواد کې د امنیت د ټینګښت مسوول دی او هڅه کوي چې خلک د نظام پر پوځي او امنیتي ادارو باورمن کړي. هغه تېره شپه د پلازمېنې بغداد دوه جلا سیمې هم کتلې دي.

د امریکا بهرنیو چارو وزارت وايي، د ایران سپاه پاسدران په بهر کې د دغه هېواد د نفوذ زیاتولو لپاره بهرني وسلوال ګوماري. دغه ادره په څو ټوېټونو کې لیکي: "سپاه د افغان شیعه یانو فاطمیون فرقه او د پاکستاني شیعه یانو زینبیون لېوا په سیمه په تېره سوریه کې له جګړې سره د مبارزې لپاره جوړه کړې ده. "

فرانسوۍ طنزیه مجلې چارلي هېبډو یو ځل بیا د اسلام د پیغبر محمد (ص) کارتوني انځورونه خپاره کړي دي. په ۲۰۱۵ کال کې د ورته انځورونو خپرولو له کبله د یادې مجلې پر کارکوونکو خونړی برید شوی و. په هغه برید کې د یو شمېر کارتونېستانو په ګډون ۱۲ کسان وژل شوي.

د افغانستان په بېلابېلو ولایتونو کې نن یکشنبه د عاشورا د ورځې مراسم له کومې لویې امنیتې پېښې یا برید پرته تېر شول. د افغانستان د کورنیو چارو وزارت سږ کال د دې مراسمو لپاره کلک امنیتي تدابیر نیولي وو.

د افغانستان د ولسمشر دویم مرستیال سرور دانش د امریکا د بهرنیو چارو وزارت په هغه رپوټ نیوکه کړې چې د افغانستان د وګړو شمېر او د بېلابېلو توکمونو د سلنې په هکله یې خپور کړی چې وايي هزاره او شیعه د افغانستان د نفوس له ۱۰ تر ۱۵ سلنه جوړوي.