ختیځه اروپا

په بلجیم کې چاپېریال ساتونکو د يوه لېوه د مړينې د څرنګوالي په اړه د مالوماتو لپاره ۳۳ زره ډالره جایزه اعلان کړې. تېر کال د 'نایا' په نامه دغه لېوه په بلجیم کې له یوې پېړۍراهیسې ليدل کېدونکی لومړنی لېوه شو.

د پرتګال د اور وژنې سلګونه کسان تېره یکشنبه ورځ د دې هېواد د مرکز غرنیزې سیمې ځنګل کې د طبیعي اورلګېدې د پراخېدو مخنیوي لپاره تېره کړې. د رپوټونو له مخې په کاسټلو برانکو سیمه کې یادې اورلګېدنې اته نظامي او دولس ملکیان ټبیان کړي دي.

تر شل کلنو خبرو وروسته اروپايي ټولنې د جنوبي امريکا له ستر سوداګريز بلاک سره د ازادې سوداگرۍ ېوې هوکړې ته رسېدلې ده. له ارجنتاين، برازيل، پاراګواى او يوروګواى سره د اروپايي ټولنې دغه هوکړه د توکو او خدمتونو داسې يو بازار رامنځته کوي چې نژدې ٨٠٠ ميليونه خلک به ترې ګټه پورته کوي.