ککړتیا

کابل ښاروالي، ۵ کاله مخکې پر پلاستیکي کڅوړولګولی بندیز اوس عملي کوي. کابل ښاروالي وايي، غواړي په دې ډول د چاپیریال د ککړتیا او د سرطاني ناروغیو مخه ونیسي چې کڅوړې یې یو له لاملونو بلل کېږي.

د دوه جلا نړیوالو څېړنو پایلې ښيي چې د هوا ککړتیا لوړه کچه ښايي د کوویډ-۱۹ ناروغۍ له امله د مړینې خطر زیات کړي. د روغتیا نړیوال سازمان غړې ډاکټرې ماریا نیرا بي بي سي ته ویلي، هغه هېوادونه چې هوا یي ډېره ککړه ده، باید د کورونا وېروس ضد هلې ځلې زیاتې کړي

په داسې حال کې چې د نړۍ په ګڼو هېوادونو کې د کورونا وېروس له کبله پر سفرونو بندیز لګېدلی، په نیویارک کې څېړونکي وایي‌ چې د دې وضعیت له کبله یو شمېر ښارونو کې هوا پاکه شوې ده او پکې د چټلو او حرارت تولیدوونکو غازونو کچه راکمه شوې ده

د امریکا د فضايي څېړنو اداره "ناسا" وايي، د سپوږمکیو پر مټ اخيستل شوي انځورونه ښيي چې د کورونا وېروس له امله په چین کې د هوا ککړتیا کچه ډېره راکمه شوې ده. ناسا ویلي، د دې ناروغۍ له امله اقتصادي فعالیتونه کم شوي او د هوا ککړتیا د کمېدو یو لا مل همدا دی.

د اسپانیې د ګڼ مېشتي بارسلونا ښار یوه سیمه کې له څه مودې راهیسې عجیبه خاموشي ده، یوه کوچني لوبغالي کې یوازې د ماشومانو اوازونه او د مرغیو شور دی. ترافیک نشته او هغلته چې ګاډي به ولاړ وو، اوس یې ځای لوبغالي او ونو نیولی.

ساینس پوهانو په یوه تازه خبرداري کې ویلي، د اقلیمي بدلون او ککړې هوا له کبله د نړۍ په سمندرونو کې اکسیجن په ختمېدو دی، او د کبانو ځینې ډولونه له جدي ګواښ سره مخ دي. کارپوهان زیاتوي چې په سمندرونو کې د نورمال ژوند یا حالت بدلېدل پر ځمکه ژوند هم ګډوډولی شي