ازبکستان

د ازبکستان بهرنیو چارو وزیر کابل ته تللی او د طالبانو بهرنیو چارو له وزیر سره یې لیدلي دي. د طالبانو بهرنیو چارو وزارت ویاند په یوه ټویټر پیغام کې د ازبکستان بهرنیو چارو وزیر له قوله ویل شوي چې له افغانستان سره به یې د هېواد اړیکي د نورو مسایلو له اغېر پرته پر ګډو ګټو متمرکزې وي. کابل ته د قطر بهرنیو چارو د وزیر له سفر وروسته ښاغلی کاملوف د بهرنیو چارو دویم وزیر دی، چې د طالبانو له واکمنېدو وروسته افغانستان ته سفر کوي.

افغان ولسمشر محمد اشرف غني د پنجشنبې په ورځ (د جولای ۱۵) د یوه لوړپوړي پلاوي په مشرۍ ازبکستان ته لاړ، چې د "سوېلي او منځنۍ اسیا: سیمه ییز نښلول، چانسونه او ننګونې" په نوم کنفرانس کې ګډون وکړي. د امریکا د ملي امنیت شورا ویانده ایمیلي هورن وايي، د دغه هېواد د ولسمشر جو بایډن د کورني امنیت مرستیاله الیزابېت شیرووډ رنډل د امریکایي پلاوي په مشرۍ دغه کنفرانس کې ګډون کوي.

د افغانستان د عامې روغتیا وزارت وایي، له څو ورځني ځنډ وروسته د هېواد په ۱۳ ولایتونو کې د کورونا وېرس ضد د واکسیناسیون بهیر بېرته پیل شوی دی. یاد وزارت وایي، تر راتلونکو دوه ورځو به ټولو ۳۴ ولایتونو کې دا بهیر بیا پیل شي.

د افغانستان د بهرنیو چارو وزیر محمد حنیف اتمر وايي، د ازبکستان پلازمېنه تاشکند کې یې د افغانستان، پاکستان او ازبکستان ترمنځ د پټلۍ جوړولو لار نقشې تړون د تېرې سې شنبې په ورځ لاسلیک کړ، چې له مخې به یې دا ګډه پروژه د سیمه ییزو اړیکو، سوداګرۍ او ټرانزیټ د ودې لپاره مشترک ټکی شي.

د افغانستان دفاع وزارت وايي، د ازبکستان اسلامي غورځنګ مشر او د دې ډلې د پخواني مشر طاهر یولداش زوی عزیز یولداش د دغه هېواد شمال ته په فاریاب کې وژل شوی او بل زوی یې حکمت دې عملیاتو کې ټپي شوی. دفاع وزارت وايي، "عزیز یولداش په شمالي ولایتونو په تېره فاریاب کې زموږ د وطنوالو وژلو او ترهګریزو چارو او ناامنۍ کې مهم رول درلود ".

د افغانستان ولسمشرۍ ماڼۍ وايي، جرمني، ناروې، اندونیزیا، اوزبکستان او قطر په افغانستان کې د اختر د درېیو ورځو اوربند هرکلی کړی، خو غوښتنه یې دا ده چې افغانانو ته په دې سختو شرایطو کې د رسېدو پخاطر دې دایمي او هر اړخیز اورکم وشي.

د افغانستان برېښنا شرکت وايي، اوس د اقتصادي ننګونو له امله د وارداتي برېښنا پیسې پر وخت نشي ورکولی. د یاد شرکت په خبره، ازبکستان خبرداری ورکړی چې که پیسې په وخت ورنکړي د برېښنا جريان پرې غوڅوي.

په ازبکستان کې افغان سفیر بي بي سي ته وویل، د ازبکستان له لوري خوراکي او روغتیايي مواد د پنجشنبې په ورځ له حیرتان بندر افغانستان ته لېږل کېږي. افغانستان کې د ازبکستان د ولسمشر ځانګړی استازی وايي، د کورونا وېروس له امله به د دغو هېوادونو ترمنځ انساني مرستې او ټرانسپورټ روان وي.