بلخ

د افغانستان دفاع وزارت وايي افغان امنیتي او دفاعي ځواکونو د ولسي پاڅونوالو په ملاتړ د بلخ ولایت کلدار ولسوالۍ کې یې د دې ډلې پر ضد چاڼیز عملیات ترسره کړي او یاده ولسوالۍ یې بېرته نیولې ده. له دغه وزارته په یوه خپره شوې اعلامیه کې راغلي چې په دغو عملیاتو کې لسګونو طالبانو ته مرګژوبله اوښتې او له دې ولسوالۍ 'تښتېدلي" دي.

افغان چارواکي وايي، د تېرې یوې میاشتې جګړو په بهیر کې تر شپږ زرو ډېر طالبان وژل شوي دي او نژدې درې نیم زره تنه نور یې ټپیان دي، چې یو شمېر پاکستانیان هم پکې شامل دي. طالبانو دغه اداعوې رد کړي او هغه یې یوازې تبلیغات بللي دي.

د افغان ولسمشر دویم مرستیال محمد سرور دانش وايي، طالبان د اویایمو کلونو تېروتنه تکراروي، خو په خبره یې په دې چاره کې به خپله له تاوان سره مخ شي. د ښاغلي دانش په وینا طالبانو په هغو سیمو کې د ولسوالیو نیول پیل کړي چې هلته په هیڅ ډول له ټولنیز او فرهنګي پلوه نه منل کېږي. د افغان ولسمشر مرستیال دا څرګندونې داسې مهال دي، چې د افغانستان په بېلابېلو ولایتونو کې تېرو ۲۴ ساعتونو کې په یو شمېر ولایتونو کې د طالبانو لاس ته د شاوخوا شپږو نورو ولسوالیو د نیولو خبرونه ورکول شوي دي.

وسلوال طالبان وايي بلخ ولایت کې یې دولت اباد، شولګره، چمتال، بلخ او کشنده ولسوالۍ نیولې دي. د شولګره ولسوالۍ امنیه قومندان سید عارف اقبالي هم مني چې دا ولسوالي د طالبانو لاس ته ورغلې ده. له بلې خوا د افغانستان د دفاع وزارت مرستیال ویاند فواد امان د تخار د بنګي او خواجه غار ولسوالۍ د نیولو ادعا کړې ده.

له افغانستان د ناټو ځواکونو وتلو بهیر کې جرمني له دغه هېواد تر ۲۲ زره ۵۰۰ سوه لېترو ډېر بیر بېرته وړي. د بهرنیو ځواکونو د وتلو درشل او افغانستان کې د تاوتریخوالي ډېرېدلو سره بهرنیو قومندانانو خپل سرتېري له بیر څښلو منع کړي دي. د جرمني دفاع وزارت ویاندې د دوشنبې په ورځ وویل، دوی د دې څښونیو د وړلو لپاره له یوه ولسي قراردادي سره تړون کړی دی.

د افغانستان شمال ته د بلخ ولایت په بلخ ولسوالۍ کې هوايي برید شوی، چې افغان ځواکونه پکې د دوو ولسي وګړو په ګډون د وسلوالو طالبانو، خو وسله وال طالبان او ولسي وګړي پکې د ولسي مرګ ژوبلې خبره کوي.

افغان ولسمشر محمد اشرف غني د نوي لمریز کال په مراسمو کې وویل، هیله او هوډ یې تر پایه عادلانه سوله ده. ولسمشر غني خپلو خبرو کې هیله وښوده چې سوله نږدې ده. له بلې خوا د افغانستان شمال ته د بلخ ولایت په مرکز مزار شریف کې د یکشنبې په ورځ او د نوي لمریز کال(۱۴۰۰) په لومړۍ ورځ نوروز جنډه پورته شوه. جنډه د بلخ والي فرهاد عظیمي د ۲۰۹ شاهین قول اردو قومندان او له کابل د یو شمېر ورغلو چارواکو له لوري رسما پورته کړای شوه.