دین

په افغانستان کې وروستي پاتې یهودي زبلون سیمینتوف چې دا وروستیو کې له هېواده وتلی، له افغانستانه د امریکا له ګډوډۍ پر ډکو وتنه نیوکه کړې. ۶۲ کلن سیمینتوف چې د افغانستان په هرات کې زېږېدلی وايي، که امکان ولري، غواړي امریکا ته لاړ شي.

د هندۍ ممثلې او د تلویزیوني خپرونو کوربنې مندیرا بیډي عکسونه چې د خپل مېړه د مړي سوځولو د مراسمو پرمهال یې اخیستي او خپاره کړي وو، په وروستیو کې د خبرونو د سر ټکي شول. تر ډېره هندو سړي مړي سوځوي او ښځې د مړو سوځولو له مراسمو لیرې ساتي، خو دا باور له کومه راغلی او د هندوانو په مذهبي کتابونو کې یې په اړه څه ویل شوي او که نه؟

د کُرټ وسټرګارډ په نامه هغه ډنمارکی کارتونېست، چې د اسلام د پیغمر محمد (ص) کارتونونو یې د نړۍ لروبر کې د میلیونونو کسانو غوسه او غبرګون پارولی و، د ۸۶ کالو په عمر مړ شوی. هغه له ۱۹۸۰ لسیزې راهیسې د سخت دریځې (جیلانډس پوسټن) ورځپاڼې لپاره کارتونونه جوړول.

هغه پاکستانی وکیل چې په بریالیتوب سره یې مذهب ته په سپکاوي د تورنې ښځې اسیه بي بي وکلات وکړ ویلي چې د سخت دریځو له خوا یې ژوند له خطر سره مخامخ دی. سیف الملوک په دې وروستیو کې هم د یوې بلې جوړې چې مذهب ته په سپکاوي تورنه وه او د مرګ په جزا محکومه شوې وه وکالت وکړ او له تور نه یې سپینه کړه.

له اسراییل رپوټونه وايي، د دغه هېواد شمال ختیځ ته مذهبي مراسمو کې د بیروبار له امله لسګونه کسان ووژل شول. د اسراییل بېړنیو خدمتونو اداره دا خبر تاییدوي او زیاتوي، لسګونه نور ټپیان شوي هم دي، خو د وژل شویو کره شمېر نه ښيي.

د نړۍ د کاتولیکانو مشر پاپ فرانسیس عراق ته د خپل تاریخي سفر پر درېیمه ورځ د دغه هېواد شمال کې هغو سیمو ته ځي چې یو وخت د اسلامي دولت (داعش) ډلې کنټرول کې وې.

د نړۍ د کاتولیکانو مشر پاپ فرانسیس نن جمعه (د مارچ ۵مه) په یوه څلور ورځني سفر په لومړي ځل عراق ته روان دی. دا اروپا کې د کورونا وېروس د خپرېدو د مخنیوي لپاره د محدودیتونو له کبله په تېرو ۱۵ میاشتو کې لومړی ځل دی چې پاپ له واټیکان بهر ځي.

وروسته تر هغه چې د عراق کربلا ښار کې د کعبې د مجسمې انځورونه او وېډیوګانې خپرې شوې او خلک یې شاوخوا طواف کوي، ګڼو خلکو نیوکې پرې وکړې او ګڼې پوښتنې راپورته شوې.‌ حقیقت څه دی؟

په وروستیو میاشتو کې پاکستان د هغه قانون پر وړاندې د مذهبي او اسلامپالو د اعتراض شاهد دی، چې د جوماتونو او مذهبي مدرسو د بودیجې او کړنو په اړه دولت ته د څارنې اجازه ورکوي. د اوړي په وروستیو کې ددغه هېواد پارلمان د (ایف ای ټي اېف) یوې نوې ډلې د غوښتنو د منلو په موخه درې طرحې تصویب کړې. ددغې ډلې موخه د پیسو مینځلو او د ترهګرۍ د مالي ملاتړ په وړاندې مبارزه ده.