استرالیا

د فرانسې د بهرنیو چارو وزیر استرالیا او امریکا تورنه کړه چې د هغه نوي امنیتي تړون په اړه دروغ وايي چې له امله یې فرانسې له استرالیا او امریکا نه خپل سفیران بېرته وروغوښتل.

امریکا، بریتانیا او اسټرالیا په هندي ارام سمندر کې د چین د اغېز کمولو لپاره خپلو منځو کې تاریخي امنیتي تړون اعلان کړی.‌ د دې تړون له مخې به اسټرالیا په لومړي ځل اجازه ولري چې په هستوي وسلو سمبال اوبتلونه تولید کړي، د دې چارې لپاره به امریکا تکنالوژي ورکوي.‌ دې تړون ته د (اوکوس) نوم ورکړل شوی او له مخې به یې د مصنوعي څیرکتیا، انټرنیټي امنتیت او انرژۍ برخه کې هم همکاري‌ کېږي. خو په واشنګټن کې د چین سفارت دا اعلان غندلی او درې واړه هېوادونه یې تورن کړي چې لا هم د سړې جګړې ذهنیت لري او ایدیولوژیک تبعیض کوي.‌‌

د اسټرالیا لومړی وزیر سکاټ موریسن وايي، افغانستان ته بېرته د خپلو ډیپلوماتانو پر استولو غور کوي. هغه یوې خبري غونډې ته ویلي چې څرنګه خوندي شرایط وګوري دا چاره عملي کوي. د اسټرالیا ځواکونه او ديپلوماتان د تېرې میلادي میاشتې جون په نیمايي کې له افغانستانه ووتل.

د وګړو یا نفوسو له نړیوالې ورځې سره هم‌مهاله، ملګرو ملتونو ویلي، د نړۍ د وګړو شمېر اوس تر ۷٫۷ میلیارده ډېر شوی او په ۲۰۳۰ کې به شاوخوا ۸٫۵ میلیارد تنو ته ورسېږي. د افغانستان د سرشمېرنې او مالوماتو ملي ادارې ویلي، ددې هېواد د وګړو شمېر له درې دېرش میلیونه ډېر دی.

له هغه مهال راهیسې چې د کورونا وبا خپره شوې روسیه کې په یوه ورځ کې تر دې مهاله د تر ټولو ډېرو کسانو مړینه ثبت شوې ده. د رسمي شمېرو له مخې په یوه شپه او ورځ کې په روسیه کې د کووېډ-۱۹ ناروغۍ له امله ۶۵۲ کسان مړه شوي دي.

د اسټرالیا له یوه زندانه چارواکي د موږکانو له کبله د زرګونو بندیانو لېږدولو ته اړ شوي دي. په پام کې ده چې د نیو ساوټ وېلز په ویلنګټن له تادیبي زندان تر ۴۰۰ ډېر بندیان او ۲۰۰ کارکوونکي په راتلونکو دوو اونیو کې بل ځای ته ولېږدول شي.

استرالیا کې سیلاو ځپلو ښارونو ته نږدې د غڼو سترې ځالې او جالونه مخ په راڅرګندېدو دي. د ویکټوریا د ګېپسلنډ سیمې اوسېدونکي وايي د غڼو دغه ستر او نازک جالونه له څو ورځو سختو ورښتونو وروسته را څرګند شول.

د نیو زیلنډ آکلنډ ښار په ۲۰۲۱ کال کې د ټولې نړۍ په کچه د ژوند لپاره تر ټولو غوره ښار بلل شوی دی. خو د سوریې پلازمېنه دمشق لا هم د ژوند لپاره نړۍ کې تر ټولو سخت ښار بلل کېږي.