د نوبل جایزه

د سږ کال اقتصاد نوبل جایزه درې کسانو په ګډه ګټلې، چې دوه یې پکې مېرمن او مېړه دي. دغه جایزه اېستر ډوفلو، د هغې مېړه ابیجیت بنرجي او مایکل کرېمر ګتلې ده. درې واړو ګټونکو ته به په ګډه کابو یو میلیون ډالر نغدي جایزه هم ورکول کېږي

د ۲۰۱۹ کال لپاره د سولې نوبل جایزه د ایتوپیا لومړي وزیر ابې احمد ته ورکړل شوې ده. نوموړي ته 'سولې او د نړیوالې همکارۍ تر لاسه کولو' لپاره دغه جایزه ورکړل شوې ده. ایتوپیا تېر کال له اریټریا سره د پولې پر سر له هغې یوې شل کلنې جګړې وروسته روغه جوړه وکړه، چې ۱۹۹۸ کې پیل شوې وه.