قانون

  1. مصر

    د مصر ولسي جرګې هغه قانون تصویب کړ چې حکومت ته له دندو د اخوان المسلمین ګوند د غړو شړلو اجازه ورکوي. د عبدالفتاح السیسي په مشرۍ د مصر حکومت دا ډله "ترهګره" بللې ده.

    نور معلومات
    next
  2. د هېټي ولسمشر تېره اونۍ ووژل شو.

    هېټي کې پولیس وايي تېره اوونۍ پر ولسمشر ژونل موییس د مرګوني برید اصلي مشکوک یې نیولی دی. نیول شوی کس کرسټیان اېمانویل سانون نومېږي - ۶۳ کلن او ډاکتر دی. پولیسو ویلي ښاغلی سانون تېره جون میاشت په یوه خصوصي جټ الوتکه کې د "سیاسي انګیزو" له مخې دغه هېواد ته ورغلی.

    نور معلومات
    next
  3. ولسي جرګه، رحماني، امرالله صالح

    د ولسي جرګې مشر میر رحمان رحماني د ولسمشر لومړي مرستیال امرالله صالح له خوا د دې جرګې یوه غړي ګواښل د اساسي قانون خلاف بولي. تېره اوونۍ رسنیو کې داسې کلپ خپور شو چې پکې امرالله صالح ولسي جرګه کې د بادغیس استازی امیر شاه نایب زاده تورنوي چې له طالبانو سره یې معامله کړې او سرتېري تسلیمېدو ته هڅوي.

    نور معلومات
    next
  4. EPA

    د سوېلي افریقا پخواني ولسمشر جیکوب زوما چې له محکمې د سرغړونې له امله پر ۱۵ میاشتې بند محکوم شوی بېګا شپه یې ځان پولیسو ته تسلیم کړ او زندان ته لاړ. ټاکلې وه د یکشنبې په ورځ بند ته لاړ شي، خو ملاتړو یې له کور انساني دېوال جوړ کړ، ځکه پولیسو د چارشنبې تر نیمې شپې وخت ور کړی او ګواښلی یې و، که زندان ته لاړ نه شي، په زور به ونیول شي.

    نور معلومات
    next
  5. پاکستان کې مذهب ته د سپکاوي د تورونو او پېښو له کبله لوی او له غوسې ډک لاریونونه هم شوي.

    پاکستان کې یوه پولیس یو سړی چې مخکې دین ته په سپکاوي تورن شوی او محکمې بې ګنا اعلان کړی و، په تور په ساتول وژلی دی.‌ پر دغه سړي تور و چې پر فېسبوک یې دین ته له سپکاوي ډکې څرګندونې کړې دي.

    نور معلومات
    next
  6. supremecourt.gov.af

    د افغاستان سترې محکمې د یوې ځانګړې پرېکړې له مخې د اداري فساد او درنو جرمونو په قضیو کې د مال او شخص ضمانت له منځه وړی. ستره محکمه وایي، د دې پرېکړې پر بنسټ باید په اداري فساد او درنو جرمونو تورن تر لومړنۍ محکمې وروسته عملا سزا وویني.

    نور معلومات
    next
  7. French President Emmanuel Macron (L) and his wife Brigitte Macron (C) salute people in Valence, France, 08 June 2021

    د فرانسې یوې محکمې هغه کس په څلور میاشتې بند محکوم کړ چې د دغه هېواد ولسمشر ایمانوېل مکرون یې پر څپېړه وهلی و.

    نور معلومات
    next
  8. عزیزالله خان

    بي بي سي

    وزیرستان

    د سویلي وزیرستان په اعظم ورسک سیمه کې پولیسو ته په مشروط ډول اجازه ورکړل شوې، د هغو مشکوکو کسانو نیولو لپاره کورونو ته ننوځي چې هلته پټېږي. دغه وړاندیز د ځايي پولیسو، سیاسي مشرانو او سیمه ییزو مخورو په یوه غونډه کې شوی. د یادونې ده چې له دې مخکې پولیسو اجازه نه درلوده، د مشکوکو کسانو نیولو لپاره په هغوی پسې کورونو ته ننوځي.

    نور معلومات
    next
  9. Henry McCollum

    د امریکا شمالي کارولینا کې محکمې دوو وروڼو ته د دې لپاره د ۷۵ میلیون ډالرو د ورکولو پرېکړه کړې چې له جرم پرته یې له درېو لسیزو ډېر بند تېر کړی دی.

    نور معلومات
    next
  10. ANADOLU AGENCY VIA GETTY IMAGES

    کاناډا کې د انتاریو ستره محکمه دې پایلې ته رسېدلې چې ایران کې د اوکراین پر پي اېس ۷۵۲ الوتکه برید قصدي او د عدلي قوانینو له مخې ترهګریز ګام دی. د اوکراین دا الوتکه د ۲۰۲۰ کال جنورۍ کې د سپاه پاسدران په دوو توغندیو ولګېده او پکې ۱۷۶ کسان ووژل شول.

    نور معلومات
    next