جنوبي (سويلي) افريقا

د سوېلي افریقا حکومت وايي، میاشت مخکې موندل شوې ډبرې الماس نه، بلکې کوارتز دي او ارزښت یې هم تر الماس په ځلونو کم دی. یو شپون اولنی کس و چې دا ډبرې یې د کوازولو-ناتال ولایت غرونو په کواه لاتي کلي کې وموندلې او د دې خبر خپرېدو پسې زرګونه خلک دغه کلي ته په منډه ورغلل چې نور الماس ومومي.

د تونس له مظاهرو په ګانا کې د میلیونونه ونو تر کرلو او د نړۍ په لوبو کې د افریقايي اتلانو تر ګډون، د تېرې اونۍ د افریقا دا ټول غوره شوي انځورونه راخیستل شوي دي.

په سویلي افریقا کې یوې مېرمن ۱۰ ماشومان زېږولي چې کېدای شي نړیوال ریکارډ وبلل شي.

د بورکینافاسو شمال ته پر یو کلي د وسلوالو برید کې تر ۱۳۲ ډېر کسان وژل شوي. چارواکي دا پېښه وروستیو کلونو کې تر ټولو بده بولي. کومې وسلوالې ډلې لا د دې برید مسوولیت نه دی منلی، خو اسلامي توندلاري دغه هېواد په تېره سرحدي سیمو کې یې تر ډېره بریدونه کوي. د بورکینافاسو ولسمشر روک کابورا د درې ورځو ملي ماتم اعلانولو سره خپل ټوېټر کې زیاتوي: "موږ باید د شري وسلوالو پرضد یو موټی ودرېږو."

د سویلي افریقا په جاهنسبورګ کې د زولو قوم غړي د دې لپاره په خپلو دودیزو جامو کې واټونو ته راوتلي چې د ملکې مانتفومبي مادلامیني زولو پر مړینه خواشیني څرګنده کړي. ۶۵ کلنه مادلامیني تېره میاشت تر هغې وروسته د زولو لنډمهاله نائب السلطنه وټاکل شوه چې د سویلي افریقا د دغه سلطنت پاچا ګوډویل زوېلیتیني د کوویډ-۱۹ ناروغۍ له کبله ومړ.

تازه څېړنې ښيي چې نړۍ کې د غبرګونو زېږون تر پخوا ډېر شوی او شمېر یې هم اوج ته رسېدلی دی. اوس هر کال نړۍ کې ۱ اعشاریه ۶ میلیون غبرګوني پیدا کېږي او په هرو ۴۲ کې یو زېږون غبرګونی وي.

استوايي ګینه کې څو پرله پسې چاودونو لږ تر لږه ۲۰ کسان وژلي دي. دا پېښه د دغه هېواد تر ټولو ستر ښار باتا کې د یوې پوځي اډې شاوخوا شوې او ویل کېږي تر ۵۰۰ ډېر کسان پکې ټپي شوي هم دي.

د مرکزي افریقا جمهوریت د فوټبال فدراسیون پخوانی مشر پاتریس نګایسونا د جرمونو نړیوالې محکمې ته انکار کړی چې ګنې جنګي جرمونو او د مسلمانانو وژلو مشرۍ کې یې لاس درلود.