زندان

د ملګرو ملتونو یوې کارپوهې ویلي، په متحده عربي اماراتو کې یوه ډله بندي شوي فعالان د زندان له کړاو شکایت لري چې ان د دوی کړاو تر ربړونې هم رسېږي.

د امریکا شمالي کارولینا کې محکمې دوو وروڼو ته د دې لپاره د ۷۵ میلیون ډالرو د ورکولو پرېکړه کړې چې له جرم پرته یې له درېو لسیزو ډېر بند تېر کړی دی.

د بشري حقونو فعالان وايي، په ایران کې سیاسي زندانۍ زهره سرو له زندانه د خوشې کېدو په بدل کې ۷۳ دُرې یا متروکې وهل زغملي دي.

نایجېریا کې پر زندان له وسلوال برید وروسته تر اتلس سوو ډېر بندیان وتښتېدل. د چارواکو په خبره، اوس له ټولو بندیانو یواځې ۳۵ زندانیان په جېل کې پاتې دي.

د سعودي د ښځو د حقونو د مدافعې لجین الهذلول کورنۍ وايي، ددې هېواد د جزا ځانګړې محکمې د هغې د استیناف غوښتنه رد کړې ده.

یوې بریتانیايۍ- استرالیايۍ څېړونکې - چې په ایران کې د جاسوسۍ په جرم زنداني شوې وه، ویلي، ایراني چارواکو د هغې د بند په موده کې هڅه وکړه چې له دې څخه په جاسوسي چارو کې ګټه واخلي.

د افغانستان د زندانونو د چارو د تنظیم اداره وايي، د هېواد په ټولو زندانونو کې ۲۹۲۴۸ بندیان دي، چې ۱۶۴۴۶ کسان پکې نارینه دي او د ټولو بهرنیو بندیانو شمېر ۱۹۹ تنه دی. دغه اداره وايي، له دوی سره زندانونو کې د "اسلامي دولت" (داعش) نومې ډلې ۴۹۷ کسان بندیان دي، خو د القاعدې شبکې هېڅ بندي نه لري.

سپینه ماڼۍ وايي، ولسمشر جو بایډن د ګوانتانامو زندان د راتلونکې ارزونه کوي چې موخه یې بندول دي. د سپینې ماڼۍ ویاندې خبریالانو ته وویل، د ملي امنیت له شورا سره د ګوانتانامو د تړلو په تړاو خبرې پیل شوې دي. ګوانتانامو ته د ترهګرۍ په تور له ۷۸۰ وړل شویو زندانیانو ۷۳۱ یې نورو هېوادونو ته لېږدول شوي نهه تنه پکې مړه شوي او ۴۰ تنه لا بندیوان ساتل کېږي.

د سعودي چارواکو د چارشنبې په ورځ د ښځو د حقونو مخکښه فعاله لجین الهذلول تر کابو درې کلونو بند وروسته خوشې کړې ده.‌ دا خبر د هغې کورنۍ تایید کړی دی.‌