د اروپا فضايي اداره

د روسي تشیالي مرکز 'میر' تر ۱۹۹۸پورې په فضا کې ۱۲ کاله ګرځېدو او له وخت سره سره دې تشیال ته د برېښنا په لېږد، کمپیوټري سیسټم او د تودوخې په کابو کولو کې ستونزې پیل شوې وې. تر دې د زیاتې اندېښنې وړ خبره بیا دا چې دې مېکروبونو د تشیال مرکز د کړکیو شاوخوا ربړونه خوړلي و.

ستورپوهانو یوه لرې سیاره مومندلې چې ممکن د وسپنې باران پکې ورېږي. دا سیاره تر خپل کوربه ستوري دومره نږدې څرخي چې د ورځې تودوخه یې تر ۲۴۰۰ سانتي ګراد لوړېږي او په بړاس د فلزاتو بدلولو لپاره پوره ګرمه وي.

ستورپېژاندو خبرداری ورکړی چې فضا ته نورې مصنوعي سپوږمکۍ د دوی د فضا او کایناتو د لید توان ګواښي. سر له راتلونکې اونۍ فضا ته زرګونه نوې مصنوعي سپوږمکۍ استول کېږي، چې ډېرو چټکو انټرنېټي خدمتونو ته به لار هواره کړي.

د امریکا د فضايي څېړنو مرکز 'ناسا' ویلي، په ۲۰۲۲ کال کې به سپوږمۍ ته د سړو اوبو موندلو په موخه یو روباټ واستوي. ناسا وايي، هیله یې دا ده چې د سپوږمۍ جنوبي قطب ته څېرمه سړې اوبه وموندل شي.

دوو ستورمزلو(مېرمنو) په تاریخي ګام سره اول ځل له نارینه وو پرته او یوازې تشیال یا فضا کې تګ وکړ. کریسټینا کوچ او جسیکا میر له نړیوال تشیالي مرکز وتلو سره اوه ګړۍ بهر وګرځېدې او د دې ستوربېړۍ د لیتیم- یون بېټرۍ یې بدلې کړې.

په بلجیم کې چاپېریال ساتونکو د يوه لېوه د مړينې د څرنګوالي په اړه د مالوماتو لپاره ۳۳ زره ډالره جایزه اعلان کړې. تېر کال د 'نایا' په نامه دغه لېوه په بلجیم کې له یوې پېړۍراهیسې ليدل کېدونکی لومړنی لېوه شو.

اماراتی ستورمزلی هزاع المنصوري نړیوالې فضايي اډې ته رسېدلی دی. فضا ته د المنصوري له تللو سره دا پوښتنه راپورته شوې چې هلته به المنصوري د یوه مسلمان ستورمزلي په توګه له لمانځه او نورو اسلامي شعایرو سره څه کوي.

ساینس پوهانو په لومړي ځل د یوه لرې پراته ستوري ګېر چاپېره چورلېدونکې داسې یوه سیاره کې اوبه موندلې چې د ژوند لپاره مناسبه ګڼل کېږي، خو دا چې دغه سیاره له لمریز نظامه په ډېر لوی واټن یانې شاوخو زر تریلیونه کیلومتره لرې پرته ده، د ستوربېړۍ ور استول اوس مهال ناشوني دي

فضا ته د هند لومړنۍ توغول شوې مصنوعي سپوږمۍ ظاهراً بې پایلې پاتې شوې. چارواکي وايي، چندریان-۲ په بریالیتوب سپوږمۍ ته نژدې شوې وه،‌ خو کله یې چې سطحې ته ۲۰۱ کیلومتره نژدې شوه، له ستونزو سره مخامخه شوه.

رپوټونه وايي، د امریکا د فضايي څېړنو مرکز 'ناسا' د هغو شکایتونو په اړه څېړنه کوي چې ګنې یوې ستورمزلې له نړیوالې فضايي اډې نه د خپلې پخوانۍ ملګرې بانکي حساب مات کړی دی.ویل کېږي د دغې ستورمزلې دا پخوانۍ ملګرې په نړیواله فضايي اډه کې پخوا ترې جلا شوې وه.