مصر کې د بورې بیه ۲۰٪ لوړه شوې

د انځور حقوق Reuters
Image caption د مصر بازارونو کې بوره په ورکېدو ده

مصري چارواکو د حکومت په ملاتړ د بورې بیه ۲۰ سلنه لوړه کړې. اوس د یوې کیلو بورې بیه له شپږو مصري پونډو اوو ته لوړه شوې ده.

د مصر بازارونه تر ډېره د بورې له کمښت سره مخامخ شوي.

مصر کې بوره هغه مهال کمه او بیه یې لوړه شوه، چې په نړیواله کچه د بورې بیه جګه شوه او د امریکايي ډالر ارزښت لوړ شو.

د مصر له بازارونو بوره ورکه شوې

د مصر لومړي ویر شریف اسمعیل وايي، د درو میاشتو لپاره د ټول هېواد لپاره په کافي اندازه بوره شته.

د کورنیو چارو وزات له تېرو دوو اونیو راهیسې د هغو کسانو تعقیبولو پیل کړي، چې بوره یې د ښې قیمتۍ لپاره ساتلې ده.

مصر هر کال شاوخوا یو میلیون ټن بورې واردولو ته اړتیا لري، خو په کورنیو بازارونو کې د بورې لګښت تر دوو میلیونونو ټنو پورې رسېږي.

په بني سویف ولایت کې د مصر له لویو خوږو تولیدونکو کمپنیو نه د یوې ( ادیتا ) مسوولینو ویلي، چارواکو یې له کارخونې ۲۰۰۰ ټنه بوره ضبط کړه او له همدې کبله به یې درې ورځې کارخونه تړلې وي.

د انځور حقوق Reuters
Image caption مصر کې د بورې لږوالي له کبله د یوې کیلو بیه یو اعشاریه ۱۳ ډالرو ته لوړه شوې ده
د انځور حقوق Reuters
Image caption مصر له بهره له اړتیا ډېره بوره له بهره واردوي

ورته مطالب