جرمني کې افغان کډوال ماشوم له انګلا مېرکل مننه وکړه

په دې وسیله کې د غږ اوريدل او ویډیو لیدنه شونې نه ده.
انګلا مېرکل له ماشوم وپوښتل چې په جرمني ژبه چا سره غږېږي؟

يوه افغان ماشوم جرمني کې د کډوالو په تړاو د يوې غونډې په ترڅ کې د دې هېواد له لومړۍ وزيرې انګلا مېرکل مننه وکړه او د نوموړې د کرېسټين ډيموکراتانو د پلویانو پر وړاندې يې وژړل.

وړاندې د کرېسټين ډيموکرات ګوند يوه غړي له انګلا مېرکل غوښتي وو، چې د ګډوالو په تړاو د خپلو پاليسو له امله دې استعفا وکړي.

بلغاریا کې "افغان کډوالو او پولیسو شخړه کړې"

'بلغاریا کې دې د افغان کډوالو انساني حقونو ته درناوی وشي'

ټرمپ: نژدې درې میلیونه ناقانونه کډوال له امریکا شړم

کله چې افغان ماشوم ادريس له انګلا مېرکل مننه وکړه او په جرمنۍ ژبه یې وويل "اغلې مېرکل زه له تاسو مننه کوم " په تالار کې ناستو خلکو چچکې وکړې.

دغه ماشوم چې کله انګلا مېرکل ته نژدې شو په ژړا شو.

د انځور حقوق AFP
Image caption تېر کال نژدې ۹۰۰ زره کډوال جرمني ته د پناه غوښتنې په موخه تللي

په ۲۰۱۵ کال کې د جرمني پر تلويزيون هم انګلا مېرکل له يوې فلسطينۍ ماشومې سره مخ شوې وه چې ورته یې وژړل.

دغې ماشومې وېره لرله چې کېدای شي بېرته لبنان کې د کډوالو کمپ ته واستول شي.

تېر کال نژدې ۹۰۰ زره کډوال جرمني ته د پناه غوښتنې په موخه ورغلي وو او له جنورۍ تر اکتوبر مياشتې پورې د دغه هېواد چارواکو د نژدې ۷۰۰ زره کسانو د پناه غوښتنلیکونه ترلاسه کړې وو.

په دوی کې ۳۸ سلنه سوريايان، ۱۸ سلنه افغانان او ۱۳.۵ سلنه عراقيان وو.

د کډوالو دغه لوی شمېر په جرمني کې پر استوګنځایونو او د خير ښېګڼې پر سيستم اغېز کړی چې له امله يې اغلې مېرکل له نيوکو سره مخ شوې وه.

انګلا مېرکل غواړي د څلورم ځل لپاره د لومړۍ وزيرې په توګه ځان کانديد کړي.

ټاکل شوې چې ټاکنې راتلونکی کال ترسره شي.

د کرېسټين ډيموکرات ګوند په غونډه کې د دغه ګوند يوه غړي انګلا مېرکل ته ويلي وو، چې استعفا وکړي خو په غونډه کې د ناستو خلکو له غبرګون سره مخ شو.

د کښتۍ ډوبېدو پېښه کې 'سلګونه کډوال وژل ' شوي

په ۱۰ میاشتو کې ۸ لکه افغان کډوال هېواد ته را ستانه شوي

یخچال لرونکې لارۍ کې کډوال موندل شوي

نوموړي مېرمن مېرکل ته وويل "ستا د غير موازي پاليسو له امله، موږ له داسې فشار سره مخ يوو چې په نژدې وخت کې به ترې خلاص نه شو."

دغه افغان ماشوم چې ادریس نومېږي د کډوالو خيريه ټولنې يوه کارکوونکي کوناډ ريوټر ناستو خلکو ته معرفي کړ.

ادريس وويل"مېرمن مېرکل له تاسې مننه، زه ډېر، ډېر خوشاله يم."

د انځور حقوق EPA
Image caption انګلا مېرکل د کډوالو پالیسو له امله د یو شمېر نیوکو سره مخ ده

اغلې مېرکل دغه ماشوم ته وويل، تا خو ډېره جرمنۍ ژبه زده کړې، ته کله په جرمنۍ ژبې خبرې کوې؟

ادريس وويل: هو زه يوزاې له پلار سره [جرمنۍ] خبرې کوم.

اغلې مېرکل په ځواب کې وويل: ته دې له پلار سره په جرمنۍ خبرې کوې؟ دا ډېره ښه ده. ايا مور دې هم دلته ده؟

افغان ماشوم ورته وویل نه!

مېرمن مېرکل: ښه د ژبې زده کولو ته دوام ورکړه.

ادريس: زه غواړم يو ځل ستا لاسونه لمس کړم؟

اغلې مېرکل له ادريس او پلار سره يې وکتل.

ادريس مېرکل ته له لاس ورکولو وروسته خپلې اوښکې پاکې کړې.

اړونده مطالب