ټرمپ د خپلې لانجمنې خیریه مؤسسې تړلو ژمنه کړې

د انځور حقوق AP
Image caption د نیویارک لوی څارنوال د ټرمپ مؤسسه کې د سرغړونو په اړه څېړنه کوي

د امریکا ولسمشر ډونلډ ټرمپ ویلي، خپله لانجمنه خیریه مؤسسه به وتړي، خو وايي د مؤسسې د ځینو احتمالي سرغړونو په اړه به څېړنه جاري وساتي.

نوموړي ویلي، هیله یې دا ده چې دغه کار به له "هېڅ راز ګټو سره په ټکر کې نه وي".

د نیویارک ښار څارنوال د ټرمپ په مؤسسه کې د ځینو مشکونو "سرغړونو" پر څېړلو بوخت دی. خو ټرمپ وايي مؤسسې یې هېڅ ډول سرغړونه نه ده کړې.

د لوی څارنوال دفتر ویلي منتخب ولسمشر ته نه ښايي چې د څېړنو په جریان کې خپله خیریه وتړي.

ډونالډ ټرمپ: باید امریکا خپلې اتومي زېرمې پراخې کړي

وانشګټن پوسټ: ټرمپ د روسیې ولسمشر ته نږدې کس د بهرنیو چارو وزیر ګوماري

ټرمپ د شنبې په ورځ وویل "مؤسسې د تېرو کلونو په درشل کې د میلیاردونو ډالرو په ارزښت ډېر لوی او ښه کارونه کړي او له مستحقو خلکو سره یې همکاري کړې ده، د ښو کارونو یوه بېلګه یې د مخکېنیو جنګېدونکو ځواکونو ملاتړ دی."

په پام کې ده چې د راتلونکې جنورۍ میاشتې پر ۲۰مه ډونلډ ټرمپ د امریکا د ختمېدونکي ولسمشر بارک اوباما ځای ناستی شي.

ټرمپ د امریکا ۴۵ ولسمشر دی.

دغه میلیاردر جمهوریپال د تېرې نومبر میاشتې پر اتمه د امریکا ولسمشریزو ټاکنو کې خپلې ډیموکراټې سیالې هیلیري کلنټن ته ماتې ورکړه.

په تېره سپټمبر میاشت کې د نیویارک څارنوال ایریک شنایدرمن وویل، دفتر یې غواړي ډاډمن شي چې د ټرمپ خیریه ټولنه "په نیویارک کې د خیریه مؤسسو له قانون سره سم فعالیتونه کوي".

ښاغلي شنایدرمن له سي ان ان خبري اژانس سره په خبرو کې هغه وخت اندېښنه ښودلې وه چې ګني د ټرمپ مؤسسه په ځینو سرغړونه کې ښکېله ده.

د امریکا خبري رسنیو وویل، د شنایدرمن دفتر له تېرې جولای میاشتې راهیسې د ټرمپ د مؤسسې د سرغړونو پر دوسیې کار کوي.

ټرمپ: ښايي واشنګټن د "یو چین" پر پالیسۍ بیا کتنه وکړي

پر دغې مؤسسې تور دی چې ګني په ۲۰۱۳ کال یې د فلوریډا ایالت د جمهوریپالې لویې څارنوالې پام بونډي بنسټ ته پیسې ورکړې دي.

د انځور حقوق AFP
Image caption د درغلیو څېړنه وروسته هېڅ پیل نه شوه، خو وروسته اغلې بونډي دا رد کړه چې ګني پیسې یې ترلاسه کړې دي.

ویل شوي چې دغه بنسټ ته له ۲۵۰۰۰ ورکړل شويو ډالرو سره هم مهاله، د اغلې بونډي دفتر زړه نازړه وه چې ایا د ټرمپ پوهنتون د درغلۍ په اړه څېړنه پیل کړي او که نه.

د درغلیو څېړنه وروسته هېڅ پیل نه شوه، خو وروسته اغلې بونډي دا رد کړه چې ګني پیسې یې ترلاسه کړې دي.

ورته مطالب