له بوکو حرامه تښتېدلي او له لوږې سره مخ
په دې وسیله کې د غږ اوريدل او ویډیو لیدنه شونې نه ده.

له بوکو حرامه تښتېدلي او له لوږې سره مخ

له بوکو حرامه تښتېدلي، اوس له لوږې سره لاس او ګرېوان دي. ملګري ملتونه وايي له سلو زرو زيات نايجېريايان خوړو ته بيړنۍ اړتيا لري.

نایجېريا کې د ميليونونو خلكو په اړه تازه خبرداری ورکړل شوی چې د خوړو له سخت کمښت سره مخامخ دي. ملګري ملتونو خبرداری ورکړی چې له سل زرو زيات خلک، چې ډېری يې ماشومان دي، که مرستې ور ونه رسېږي، ښايي د لوږې له لاسه مړه شي. د دې کړکېچ کچه په داسې وخت کې رابرسېره کېږي، چې د نايجېريا پوځ په کې هغو سيمو ته په يون کې دی چې پخوا پرې د بوکو حرام ډلې اورپکي واکمن وو.

دا راپور چې د نايجېريا له بورنو ايالته دی، داسې انځورونه په کې دي چې ښايي درته خواشينوونکي وي.