د امازون شرکت بوټ پاکي رنګ هند په غوسه کړی

د انځور حقوق Getty Images
Image caption وزیرې د امازون دا ګام غندلی او پر ټویټر یې له امازون شرکته غوښتي چې له هندیانو ''بې قید او شرطه بښنه وغواړي'' او د دغه ''سپکوونکي تولید'' اعلانونه له خپلې وېبپاڼې لېرې کړي.

د هند د بهرنیو چارو وزارت د امریکا امازون شرکت وېبپاڼه اړ کړې چې د هند د بیرغ په رنګونو جوړ بوټ پاکي اعلانونه له انټرنېټه لیرې کړي.

امازون پر انټرنېټ خونو ته د ننوتلو ورونو کې د هند د ملي بیرغ په رنګونو د بوټ پاکي اعلانونه خپاره کړي دي.

د هند د بهرنیو چارو وزیرې سوشما سورج د امریکايي امازون شرکت پر وېبپاڼې ټینګه نیوکه کړې ده. امازون په کاناډا کې دغه اعلان خپور کړی دی.

وزیرې د امازون دا ګام غندلی او پر ټویټر یې له امازون شرکته غوښتي چې له هندیانو ''بې قید او شرطه بښنه وغواړي'' او د دغه ''سپکوونکي تولید'' اعلانونه له خپلې وېبپاڼې لېرې کړي.

هندی یوټیوب کارن د ښځو له ښکلولو پښېمان شو

له ښځو سره ناوړه چلند او د وزیر خبرو غوغا جوړه کړې

سورج ویلي، که امازون د هند غوښتنه ونه مني، نو هند به خپلې خاورې ته د امازون شرکت د اوسنیو چارواکو پر وېزو د بندیز لګولو غور وکړي او بیا به دغه هېواد ته د دوی د راتګ وېزې بندې کړي.

امازون د هند اندېښنه اورېدلې او له خپلې وېبپاڼې یې د یادو تولیداتو اعلانونه لیرې کړې دي.

د هند د بهرنیو چارو وزیرې پخپلو ټویټ پیغامونو کې کاناډا کې د هند له کونسلګرۍ غوښتي چې د امازون پرضد دریځ ټینګ کړي.

دې لیکلي: ''امازون باید بې قید او شرطه بښنه وغواړي او سم لاسي د ملي بیرغ له سپکاوي ډک خپل ټول تولیدات له وېبپاڼې وباسي. ''

د امازون شرکت ویاند په یوه برېښنالیک کې ویلي: ''دغه تولید اوس پر وېبپاڼې د خرڅلاو لپاره نه شته. ''

امازون ځینې د خونو ورونو کې د ځینو داسې بوټ پاکو اعلانونه خپاره کړي چې د نورو هېوادونو د بیرغونو په رنګونو جوړ شوي، خو هند وار ړومبی کړی او په دې هېواد کې ملي بیرغ ته سپکاوی کوونکي پر نغدي جریمې سربېره بندي کېدای هم شي.

د انځور حقوق Twitter
Image caption وزیرې د امازون دا ګام غندلی او پر ټویټر یې له امازون شرکته غوښتي چې له هندیانو ''بې قید او شرطه بښنه وغواړي'' او د دغه ''سپکوونکي تولید'' اعلانونه له خپلې وېبپاڼې لېرې کړي.

په تېره جولای میاشت کې امازون له هند سره یوه ورته لانجه هم لرله. هغه مهال امازون پر بوټ پاکو د هندوانو د یوه خدای انځور کښلی و.

دا لانجې په داسې مهال راپورته کېږي، چې د امازن او د هندي فلیپکارت شرکت ترمنځ هم شخړه ډېره شوې ده.

فلیپکارت شرکت په هند کې تر ټولو لوی پرچون پلورونکی دی چې ډېری خرڅلاو یې پر انټرنېټ کېږي.

ورته مطالب