عاطف اسلم د نجلۍ ژغورلو لپاره د سندرو مېله ودروله

د انځور حقوق SHERAZ ASLAM
Image caption عاطف اسلم پر اڼترنېټ زښت ډېر وستایل شو

د پاکستان فلمي ستوری او سندرغاړی عاطف اسلم وروسته تر هغه پر انترنېټ ډېر وستایل شو، د سندرو په یوه کانسرټ کې یې د خلکو په ګڼه ګوڼه کې د یوې نجلۍ د ژغورلو لپاره د سندرو پروګرام بند کړ.

عاطف اسلم نجلۍ داسې مهال وژغورله، چې راغونډو شویو مینه والو یې د ځورونې هڅه وکړه.

په یوه وېډیو کې چې د شنبې په ورځ کراچۍ کې د سندرو کانسرټ پرمهال ثبت شوې، ښکاري چې عاطف اسلم پخپله د مېز له سره نجلۍ تر لاس نیسي او ژغوري.

د نوموړي دا وېډیو پر انټرېټ زرګونه ځلې خپره شوې او عاطف اسلم ستایل شوی دی.

له احتجاجه وروسته هند کې د پاکستاني سندرغاړي کنسرت لغو شوی

''پاکستاني هنرمندان دې ۴۸ ساعتونو کې له هنده ووځي''

دغه مشهور سندرغاړي نجلۍ ځوروونکو ته وویل: "ایا تاسو کوم وخت نجلۍ لیدلې ده؟ ښځه ستاسې مور یا خور ده".

پاکستاني رسنیو ویلي، د کانسرټ لپاره بیخي ډېر خلک راغلي وو چې ګڼې نجونې پکې وځورول شوې.

اسلم چې فلمي ستوری او سندرغاړی دی، پر نجلۍ د برید له لیدو سره امنیتي کسانو ته نارې کړې.

د دې صحنې وېډیو پر ټویټر خپره شوې چې ښکاري امنیتي کسان د خلکو له ګڼې ګوڼې نجلۍ راوباسي او د سټیژ سر ته یې خېژوي.

د حاضرو خلکو منځ کې د "عاطف، عاطف" نارې وهل کېدې.

د انځور حقوق TWITTER - @ASYOUNOTWISH
د انځور حقوق TWITTER - @SUMAIYANA2

د خواله رسنیو ځینو کارکوونکو ویلي، عاطف اسلم وروسته تر هغه خپلو سندرو ته دوام ورکړ چې ډاډه شو نجلۍ د خلکو له ګڼې ګوڼې خوندي ځای ته رسېدلې.

دا لومړی ځل نه دی چې د مینه والو منځ کې یو سندرغاړی د نجلۍ د ځورونې د مخنیوي پخاطر خپل پروګرام ځنډوي.

تېر کال فرانسوی سندرغاړی الیجاندرو سانز له یوه داسې سړي سره مخامخ شو، چې د مکسیکو روساریو کې یې د سندرو پروګرام پرمهال پر یوې ښځې د برید هوډ وکړ.

د انځور حقوق TWITTER - @WOWSHREYA
د انځور حقوق TWITTER - @ASHAQEENS

اړونده مطالب